- काठमाडौं,साउन १३ गते मंगलवार ।
- जनप्रभाब-सम्बादाता
विश्व स्वास्थ्य संगठन (डब्ल्युएचओ)ले कोरोना भाइरसको महामारीबारे समीक्षा गर्नका लागि आपत्कालीन समितिको बैठक यही साता पुनः बोलाउने भएको छ । काेराेना भाइरसले घोषणा गरेकामध्ये सबैभन्दा गम्भीर स्वास्थ्य सङ्कट भएको बताउदै पुन: आपतकालीन बैठक बोलाउने जनाएको छ ।
संगठन प्रमुख डा. टेड्रोस एड्हानोम गेहब्रेयससले काेराेना भाइरसकाे महामारीलाई छैटौँ श्वव्यापी स्वास्थ्य सङ्कटकाल गत जनवारीमै घोषणा गर्नुभएकाे थियाे। उहाँले भन्नुभयो- ‘विश्व स्वास्थ्य सङ्गठनले घोषणा गरेका मध्ये सबैभन्दा गम्भीर विश्वव्यापी स्वास्थ्य सङ्कट अहिलेको अवस्थामा छ ।’
यसअघि विश्व स्वास्थ्य सङ्गठनले अन्य पाँचवटा स्वास्थ्य सङ्कटकाल घोषणा गरिसकेको छ । जसमा इबोला (दुई पटक), जीका, पोलियो र स्वाइन फ्लू र अहिलेको कोरोना भाइरस ।
संगठनले जनवारीमा संकटकाल घोषणा गरिएयता संसारभर १ करोड ६० लाखभन्दा बढी मानिसमामा कोरोना संक्रमण भएको र ६ लाखभन्दा बढीको ज्यान गइसकेको जानकारी दिएको छ । सगठन प्रमुख टेड्रोसले भन्नुभयो- ‘जनवारीको ३० तारिखमा मैले जनस्वास्थ्यमा अन्तर्राष्ट्रिय सङ्कटकालको घोषणा गर्दा चीनबाहिर सयवटा मात्रै कोरोनाभाइरस सङ्क्रमण देखिएको थियो, मृतकको संख्या एक पनि थिएन।’
कोरोना भाइरसका कारण विश्व समुदायलाई अलग पारिदिएकोसमेत प्रमुख टेड्रोसले बताउनुभयो । संगठनले पछिल्ला ६ हप्तामा संक्रमितको संख्या दुईगुणाले बढेको तथ्याङ्क प्रस्तुत गर्दै यसप्रसति चिन्ता जनाएको छ । यसको न्यूनीकरणमा ठूलो प्रयास गर्दापनि भजेजस्तो सफलता नपाइएको संगठनको भनाइ छ । प्रमुख टेड्रोसले कोरोना अन्त्यका लागि अझै धेरै गर्न बाँकी रहेको बताउनुभयो ।
उता संगठनका आपत्कालीन कार्यक्रमका निर्देशक माइक रायनले अर्थतन्त्र चलायमान राख्नुपर्ने कारणले देशहरुको सीमा बन्द राख्न असम्भव रहेको बताउनु भएको छ । रोकिएका व्यपार व्यवसाय पुन संचालन गर्नुपर्ने भएकाले व्यापार सुरु गर्नुपर्ने हुन्छ यसकारण मुलुकका सीमा बन्द गरेर सम्भव छैन । यद्यपि कोरोना भाइरसले यो भन्दापनि ठूलो भयवह स्थिती सृजना गर्यो भने पुन: लकडाउन गर्नुपर्ने संगठनको भनाइ छ ।
