- लमजुङ,साउन १३ गते मंगलवार ।।
- जनप्रभाब-सम्बादाता
सदरमुकाम बेसीशहरका सुरज तामाङले बैदेसिक रोजगारबाट फर्कदा ल्याएको मोवाईल हराएको डेढ वर्ष पछि पाए । आफ्नो मोवाईल पाउछु भन्ने आश मारीसकेका तामाङलाई प्रहरीको सहायतामा डेढबर्ष पनि पाउदा निकै खुशी लागेको बताउछन् ।
“मोवाईल पाउछु भन्ने पनि लागेको थिएन” तामाङले भने “लामो समयपछि पनि मोवाईल फिर्ता भयो, प्रहरीलाई धेरै धन्यबाद ।”
बेसीशहरकै देउमाया गुरुङको पनि आफ्नै घरबाट मोवाईल चोरी भएको थियो । घरमा चार्जमा राखेर बारीमा काम गर्न जाँदा हराएको मोवाईल महिनौ पछि गुरुङले फिर्ता पाईन । हराएको मोवाईल फिर्ता पाउदा उनको पनि खुशीको सिमा छैन ।
“घरमा मोवाईल चार्ज गरेर बारीमा काम गर्न गए, फर्कदा मोवाईलको चार्जर मात्रै रैछ” गुरुङले भनिन “हराएको मोवाईल पनि पाईदो रैछ, खुशी लाग्यो ।”
लमजुङ प्रहरीले हराएका झण्डै तिन दर्जन मोवाईल पत्ता लगाएर सम्वन्धीत व्यक्तीलाई बुझाएको छ । पिडितहरुले दिएको निवेदनका आधारमा हराएका मोवाईल खोजी अभियाननै शुरु गरी ३३ वटा मोवाईल पत्ता लगाएर सम्वन्धीत व्यक्तीलाई बुझाएको हो ।
प्रहरीका अनुसार फेला परेका मोवाईलको मुल्य भ्यालुएसन गर्दा चारलाख ८० हजार पाँचसय रुपैया रहेको छ । जिल्ला प्रहरी कार्यालय लमजुङले एक साता सम्म हराएको मोवाईल खोजी अभियान नै चलाएको थियो । अभियानको क्रममा विगत दुई वर्ष अघिदेखि हराएको मोवाईल भेटिएको लमजुङ प्रहरीले जनाएको छ ।
लमजुङ प्रहरीमा मोवाईल हराएर खोजी गरी पाउँ भनि खासै निवदेन पनि आएका छैनन् । तर थोरै निवेदनको आधारमा पनि हराएका मोवाईल खोजी गर्दा पछिल्लो एक महिनामै ३३ वटा हराएका तथा चोरी गरिएका मोवाईल पत्ता लागेको जिल्ला प्रहरी कार्यालयका सूचना अधिकारी एवं प्रहरी निरिक्षक ओमप्रकाश पुनले बताए ।
“मोवाईल हरायो भनेर खासै निवेदन आएको त छैन” प्रहरी निरिक्षक पुनले भने “दुई चार जनाको निवेदन परेको थियो, त्यहि निवेदनको आधारमा खोजि गर्दा ३३ वटा हराएका र चोरी भएका मोवाईल फेला परे ।”
जिल्लामा मोवाईल चोरीमा ठूलो गिरोह नभएपनि सामान्यतय चोरी हुने तथा व्यक्ती आँफैले हराउने गरेको प्रहरीको अनुमान छ । मोवाईल हराएमा प्रहरीले खोजी गर्छ भन्ने सर्वसाधरणमा जानकारी नहुँदा पनि निवेदन कम आएको हुनसक्ने लमजुङका प्रहरी प्रमूख एवं प्रहरी नायव उपरिक्षक ( डिएसपी ) गंगाबहादुर थापा बताउछन् । यद्यपी मोवाईल हराएमा सम्वन्धीत प्रहरीमा निवेदन दिएमा विभिन्न प्रविधिको प्रयोगबाट हराएका मोवाईल पत्ता लगाउन सकिने प्रनाउ थापाको भनाई छ ।
“मोवाईल हरायो भने प्रहरीमा निवेदन दिनुपर्छ भन्ने पनि कतिपयलाई थाहा छैन” प्रनाउ थापाले भने “मोवाईलमा एउटा कोड हुन्छ, त्यो कोड नम्वर सुरक्षित भयो भने हराएको मोवाईल प्रहरीले पत्ता लगाउन सक्छ ।”
लमजुङ प्रहरीका अनुसार गत आर्थिक वर्ष भरिमा मात्रै सात र त्यो भन्दा अघिल्लो आर्थिक वर्षमा ६ वटा हराएका मोवाई पत्ता लगाई सम्वन्धीत व्यक्तीलाई बुझाएको तथ्याँक छ । तर नयाँ आर्थिक वर्ष शुरु भएसँगै पहिलो महिनामै ठूलो मात्रामा हराएका तथा चोरी गरिएका मोवाईल पत्ता लगाएको छ।
मोवाईल चोरीमा ठूलो गिरोह नभएपनि केहि व्यक्तीहरुको नियत देखिएको प्रहरीको भनाई छ । चोरी गरीएका मोवाईलहरु सस्तो दाममा मोवाईल पसलमा विक्री हुने गरेको केहि तथ्य फेला परेको र यस विषयमा गम्भिर अनुसन्धान शुरु भएको प्रहरीले जनाएको छ । अनुसन्धानको क्रममा फेला परेका दोषीहरुलाई कारवाहि समेत गर्ने प्रहरीको प्रतिवद्धता छ ।
