- काठमाडौं,साउन १० गते सनिवार ।।
- जनप्रभाब-सम्बादाता
सत्ता र सरकारमा विचौलियाहरु कतिसम्म हावी हुन सक्छन् ? भन्ने दशी प्रमाण पछिल्लो कालखण्डमा दीपक भट्टले देखाईदिएका छन् । प्रधानमन्त्री केपी शर्मा ओलीसँग सम्बन्ध विस्तार गरेर दाजु सुशील भट्टलाई योजना आयोगको सदस्य बनाउन सफल भएका थिए ।
कमिशन र ठेक्कापट्टा धन्दामा दाजुभाई नै विवादमा तानिएको धेरै बर्ष भइसक्यो । तर, सत्तामा तिनीहरुकै हालीमुहाली पनि चलिरहेको देखिन्छ ।
विचौलियाको शक्ति भूमिका र दाजुलाई योजना आयोगमा लगेका दीपक भट्टले फेरि दाजु सुशीललाई त्यहाँबाट राजीनामा गर्न लगाएर लगानी बोर्डको सिईओमा लैजान प्रयासरत रहेको खबर छ । आरजु देउवामार्फत शेरवहादुर देउवाको सरकारमा समेत चलखेल गर्न सफल भट्ट अहिले नेकपाकाे सत्तामा पनि बढी हावी हुन थालेको नेकपाका नेताहरु बताउछन् ।
पछिल्ला दिनमा नेकपा भित्रको राजनीतिमा छिर्न सफल भट्ट नेताहरु मिलाउने बाहना बनाएर खुबै दौडधुप गरिरहेका थिए । प्रधानमन्त्री केपी ओली र अर्का अध्यक्ष प्रचण्डलाई मिलाउने भन्दै दोस्रो तहका नेता मिलाउने अभियानका लागेका भट्ट अहिले त्यहीकारण विवादमा पनि छन् ।
नेपाल राष्ट्र बैंकका गर्भनर महाप्रसाद अधिकारीको नेतृत्वको छनौट समितिले छनौट गरेको ५ जनामा राष्ट्रिय याेजना सुशील भट्टको नाम पनि परेको छ । पहिला नै तयार भएको नाममा फेरबदल गरिएको स्रोतको दाबी छ ।
पहिला ६ जनाको नाम सार्वजनिक भएको थियो । १२ जना प्रतिस्पर्धीमध्ये ६ जना पहिलो चरणमा छनौट भएको चर्चा चलेर नाम सार्वजनिक भएको थियो । पछि, त्यो नाम सच्चाएर अन्य ५ जनाको नाम आयो । त्यसमा अघिल्लो पटक नपरेका सुशील भट्टलाई पनि छनौटमा पारियो ।
त्यसरी छनौट भएकाहरु अहिले शक्तिकेन्द्रको दौडमा पनि लागेको खबर छ । ६ जनामध्ये ३ जनाको नाम अन्तिम चरणमा पर्नेछ र मन्त्रिपरिषद् मा पुग्नेछ । मन्त्रिपरिषद् पुगेका ३ जनामध्ये १ जना लगानी बोर्डको सिईओ नियुक्त हुनेछन ।
सुशील भट्टबाहेक अहिले राष्ट्रपति विद्यादेवी भण्डारी र प्रदेश १ का मुख्यमन्त्री शेरधन राईको जोडबल सरोज कोइरालामाथि रहेको स्रोत बताउछ ।
अहिले प्रदेश १ को लगानी बोर्डमा समेत काम गरिरहेका कोइराला राजनीतिक पृष्ठभूमिका हिसाबले कांग्रेस रहेको चर्चा पनि गरिन्छ । त्यसबाहेक राष्ट्रिय पुनर्निर्माण प्राधिकरणकाे काममा सफल सीईओ सुशील ज्ञवाली पनि अहिले सिईओका दाबेदार रहेका छन् ।
पुनर्निर्माण प्राधिकरणमा रहेका ज्ञवालीको कार्यकाल पाँच (२०७७ पुस १०गते) महिना बाँकी छ । तर, प्रधानमन्त्री केपी ओली र नेकपा महासचिव विष्णु पौडेलको उम्मेदवारको रुपमा पनि ज्ञवालीलाई हेरिएको छ ।
उता, पर्यटन बोर्डको सिईओमा रहँदा बजेट समेत खर्च गर्न नसकेर असफल मानिएका दीपकराज जोशी पनि अहिले प्रतिस्पर्धामा छन् ।
६ जनाको नाम चर्चामा हुँदा सेजका पूर्व कार्याकारी प्रमुख चण्डिकाप्रसाद भट्ट र एनसीसी बैंकका पूर्व सिईओ सुमन शर्माको नाम पनि चर्चा थियो । तर, अहिले यी दुवैको नाम छैन । र , सुशील भट्टको नाम थपिएको चर्चा छ । साँघु
