- लहान,साउन ७ गते बुधबार ।।
- जनप्रभाब-सम्बादाता
सिरहा प्रहरीले विशेष सुचनाको आधारमा आज बुधबार साँझ सिरहाको गोलबजार नगरपालिकाबाट एक जनालाई ब्राउन सुगर र गाँजासहित पक्राउ गरेका छन् ।
पक्राउ पर्नेमा गोलबजार नगरपालिका १ का ३३ वर्षीय अरुण कुमार पुर्वे रहेको जिल्ला प्रहरी कार्यालय सिरहाका प्रवक्ता तथा डिएसपी विनोद घिमिरेले जानकारी दिनु भयो ।
उनका अनुसार पुर्वेले आफ्नै घरमा बिक्री बितरणका लागि लागुऔषध लुकाई राखेको सुचना प्रहरीले पाएपछि उनको घर खानतलासी गरिएको थियो । पुर्वेको घर कोठामा लुकाई राखेको अवस्थामा लागुऔषध ब्राउन सुगर जस्तो देखिने प्लाष्टिकको पोकामा धुलो पदार्थ १ ग्राम ३०० मिलिग्राम र गाजाँ प्लाष्टिकको पोकामा ५५ ग्राम १४० मिलिग्राम बरामद भएको प्रहरीले जनाएको छ ।
फेला परेको लागुऔषध र पुर्वेलाई नियन्त्रणमा लिई थप अनुसन्धान भइरहेको डिएसपी घिमिरेले बताए ।
फेसबुकबाट तपाईको प्रतिक्रिया !