- काठमाडौं,साउन ७ गते बुधबार ।।
- जनप्रभाब-सम्बादाता
सञ्चार तथा सूचना प्रविधि मन्त्रालयका सचिव दीपक सुवेदी २०७७ वैशाख ३१ गतेबाट अवकास भएपछि रिक्त सचिव पदकाे पूर्ति तीन महिना पाँचदिनबितेपछि भएकाे हो । २०७७ साउन ५ गतेकाे मन्त्रिपरिषदले सञ्चार तथा सूचना प्रविधि मन्त्रालयकाे सचिवमा गण्डकी प्रदेशका प्रमुखसचिव हरि प्रसाद बस्याललाई नियुक्त गरेकाे छ ।
सञ्चार तथा सूचना प्रविधि मन्त्रीकाे जिम्मेवारी अर्थमन्त्री युवराज खतिवडालाई ताेकिएकाे छ । सचिव पनि नभएकाे र मन्त्री पनि अति व्यस्त हुने भएकाले सञ्चार तथा सूचना प्रविधि मन्त्रालयकाे कामकारवाहीमा समस्या परेकाे थियाे । सरकारले भने सञ्चार सचिव खाेज्दाखाेज्दै लगभग सय दिन समय बिताएपछि बल्लतल्ल नियुक्त गरेकाे छ ।
सञ्चार तथा सूचना प्रविधि मन्त्रालयकाे सचिवका लागि केही प्रमुख सचिवका नामहरू पनि चर्चामा रहेका थिए । गण्डकी प्रदेशका प्रमुख सचिव हरि प्रसाद बस्यालकाे नाम र बागमती प्रदेशका प्रमुख सचिव ताेयम राया र चर्चामा रहेकाे थिए ।
शिक्षा र संचार क्षेत्र राेजेका गण्डकी प्रदेशका प्रमुख सचिव हरि प्रसाद बस्यालले राेजेकै मन्त्रालय पाएका छन् । सहसचिव हुँदा अर्थ, शिक्षा र ल्हासाकाे महावाणिज्यदूतकाे समेत जिम्मवारी सम्हालिसकेका गण्डकी प्रदेशका प्रमुख सचिव हरि प्रसाद बस्यालकाे राेजाइमा संचार र शिक्षा नै रहेकाे थियाे।
अहिलेसम्म कुनै विवादमा नपरेका निष्कलंक गण्डकी प्रदेशका प्रमुख सचिव हरि प्रसाद बस्याललाई नेपाल सरकारले सरकारकाे मुख( प्रवक्ता) रूपमा रहेकाे मन्त्रालयकाे जिम्मेवारी सम्पिएकाे छ ।
हाल विषम अवस्थामा रहेकाे संचार क्षेत्रमाकाम नगरेका नवनियुक्त सचिव बस्यालका लागि विवादस्पद रूपमा रहेकाे टेलिकम क्षेत्र र पत्रकारिता चाहिं चुनाैती रूपमा रहेका छन् ।
फेसबुकबाट तपाईको प्रतिक्रिया !