- मोरङ,साउन ६ गते मंगलवार ।।
- जनप्रभाब-सम्बादाता
मोरङ जिल्लामा ‘तपाईंको मास्क खै’ अभियानलाई आज (मंगलबार) पनि निरन्तरता दिइएकाे हो । लकडाउन खकुलो भएसँगै आम नागरिकहरु विना मास्क नै घर बाहिर निस्कने प्रवृत्ति बढेपछि जिल्ला प्रहरी कार्यालय मोरङ, वडा प्रहरी कार्यालय विराटनगर, सामुदायिक प्रहरी सेवा केन्द्र र स्थानीय युवाहरुको सहकार्यमा ‘तपाईंको मास्क खै’ अभियानलाई निरन्तरता दिइएको छ ।
कोरोना भाइरस संक्रमण रोकथाम तथा न्यूनिकरणका लागि लकडाउन कार्यान्वयन भएसँगै सुरुवाती दिनहरुमा सर्वसाधारण जति सजग थिए लकडाउन खकुलो भएसँगै उति लापरवाही बढ्न थालेको मोरङ प्रहरी प्रमुख एसपी सन्तोष खड्काले बताए ।
अधिकांश नागरिकहरु प्रहरीलाई देख्दा मात्रै मास्क लगाउने प्रवृत्ति यथावत् रहेकाले सर्वसाधरणमा मास्क अनिवार्य लगाउन बानी गर्नका लागि ‘तपाईंको मास्क खै’ अभियान सुरु गरिएको एसपी खड्काको भनाइ छ । उनले भने, ‘केहि समय हामी उहाँहरुलाई सम्झाई, बुझाई गर्छौ मास्क नभएकालाई निशुल्क मास्क पनि वितरण गर्ने गर्दछौ, मास्क नलगाउनेलाई केहि समय होल्ड गराएर प्रशिक्षण पनि दिने गर्छौ । अर्को चरणमा पनि मास्क नलगाई अवज्ञा गरेकाे पाइएमा कारवाही गर्ने योजना बनाएका छौँ ।’
