- बैतडी,साउन ५ गते सोमबार ।।
- जनप्रभाब
बैतडीका नयाँ प्रमुख जिल्ला अधिकारी मोहन राज जोशीले नयाँ कामको सुरुवात गरेका छन् । उनले हरेक महिना कार्यालय प्रमुखसित हुने बैठक अघि जिल्लाका पत्रकार र कार्यालयका सूचना अधिकारी छलफल गर्ने कार्यको थालनी गरेका छन् ।
उनले कार्यालय प्रमुखसित बैठक हुने अघिल्लो दिन आइतबार स्थानीय तह र अन्य कार्यालयका सूचना अधिकारी तथा पत्रकारसित कार्यक्रम गरेका छन् । उनी जिल्लामा आएपछि पत्रकारसित पहिलो पटक परिचयात्मक कार्यक्रम गरिएको छ ।
यसलाई संचारकर्मी र सूचना अधिकारीहरुले प्रमुख जिल्ला अधिकारीको नयाँ कामको सूरुवातीको संज्ञा दिएका छन् । अहिले सम्म कार्यालय प्रमुखसंगको बैठक अघि सञ्चारकर्मी र सूचना अधिकारीसंग बैठक गरिएको थिएन् ।
कार्यक्रममा सेवाप्रदायक कार्यालयबाट जनतालाई पाउनु पर्ने सूचना र सञ्चारकर्मीले सूचना माग्नु पर्दा भोग्नु परेका समस्याको बारेमा छलफल गरिएको छ । दोस्रो बैठकबाट प्रत्येक कार्यालयका सूचना अधिकारीले एक महिनाभित्र आफ्नो कार्यालयले गरेका कामको बारेमा जानकारी दिनु निर्देशन दिएका छन् ।
बैठक गर्दा कार्यालय प्रमुखहरुलाई पनि निर्देशन गर्न सजिलो हुने र संचारकर्मीहरुको कार्यालय प्रतिको गुनासोलाई पनि कार्यालय प्रमुख संग राख्न सजिलो हुने प्रमुख जिल्ला अधिकारी जोशीले बताए । उनले प्रत्येक स्थानिय तहलाई स्थानिय भाषामा अडियो नागरिक वडापत्र राख्न समेत आग्रह गरे । अब प्रत्येक महिना यो बैठकले नियमिता समेत पाउने उनले बताए ।
जिल्लाबाट प्रकाशित वा प्रशारण हुने सूचनाहरु धेरै जसो कार्यालय प्रमुखले बाहिरी जिल्लाबाट प्रकाशित र प्रशारण गर्ने भएकाले अबका दिनमा जिल्ला स्थित स्थानिय पत्रिकामा प्रकाशित गर्नु पर्ने र बाहिर प्रकाशित वा प्रशारण गर्ने सूचना पनि जिल्ला स्थित प्रत्रकार एवम संचार माध्यमबाट जानु पर्ने माग नेपाल पत्रकार महासंघ बैतडीका अध्यक्ष प्रेम भाटले राखेका
थिए । यो मागलाई कार्यालय प्रमुख संग राख्ने प्रमुख जिल्ला अधिकारी जोशीले बताए ।
बैतडीका सिडिओ जोशी निजामती कर्मचारी प्रशासनमा स्वच्छ छविका रुपमा परिचित छन् । उनी यस अघि कञ्चनपुर निर्वाचन कार्यालय प्रमुख हुँदा जोशीले राजनीतिक दल सहित सबै सेवाग्राहीको मन जितेका थिए ।
