- काठमाडौं,असार ३० गते मंगलवार ।
- जन प्रभाब
नेपाल प्रहरीको उच्च पद प्रहरी महानिरीक्षक (IGP) को नियुक्ति विगतमा निकै विवादित रहे । यसले संगठनको साखमाथि मात्रै धक्का पुगेन, प्रहरी फोर्सको तलदेखि माथिसम्मै मनोबल खस्कियो ।
तर यसपटक प्रहरी महानिरीक्षकको नियुक्ति निकै सन्तुलित ढंगले भयो । स्वच्छ र निष्कलंक छवि बनाउ“दै आएका शैलेश थापालाई नेपाल प्रहरीले महानिरीक्षक पायो । उनीस“गै प्रतिस्पर्धामा रहेका एआइजीपी हरिवहादुर पालले समेत यो नियुक्तिमा असन्तुष्टि जनाएनन्, बरु प्रशन्नता व्यक्त गरिरहेका छन् ।
यसले प्रहरी संगठनमा आशाको सञ्चार गराएको बुझ्न सकिन्छ । आशालाग्दा व्यक्ति प्रहरी संगठनले पाएपछि उनका अबका कदम कसरी अघि बढ्लान् ? प्रहरीभित्र र बाहिर दुवैतर्फ चासोपूर्वक प्रतीक्षा गर्न थालिएको छ ।
सामूहिक निर्णयमा चल्ने भनिए पनि यसअघि प्रहरीमा यस्तो अभ्यास बिरलै मात्रै भए । पोलिस कोअर्डिनेसन कमिटी (पीसीसी) गठन गरिए पनि यो देखाउने दा“तमात्रै बनाइएको छर्लंगै छ । तर, नवनियुक्त प्रहरी महानिरीक्षक थापाले विगतका प्रहरी महानिरीक्षकको कमजोरी करेक्सन गरेर सामूहिकताका आधारमा अघि बढ्ने संकेत गरेका छन् ।
स्रोतका अनुसार, पीसीसीबाट निर्णय गरेर सामूहिक निर्णयको आधारमा काम गर्ने मनस्थिति आईजीपी थापाले बनाएको स्रोत बताउछ । कार्यभार सम्हालेलगत्तैदेखि उनी यो सोचबाट अघि बढिरहेको बताइन्छ ।
प्रहरी संगठनमा तलदेखि माथिसम्मै जिम्मेवार बनाउने विषय पनि बेला–बेला उठ्छ । प्रहरीहरू जब चुक्छन्, यो विषय अझै प्रबल भएर आउ“छ । अनि उसैगरी सेलाउ“छ । आईजीपी थापा भने यसमा अलि गम्भीर बनेको चर्चा प्रहरी हेडक्वार्टरतिर चलेको छ ।
स्रोतका अनुसार, प्रहरीको टप टू बटन जिम्मवार भए मात्रै प्रहरी संगठनको साख उचो हुनेमा आईजीपी थापा प्रष्ट छन् । सबैलाई जिम्मेवार बनाउने आईजीपी थापाको सोच रहेकाले त्यहीअनुरूप पोलिसी बनाउने काम यतिबेला भइरहेको बताइन्छ ।
‘सत्य सेवा सुरक्षा’को भावना आम जनतामा सा“च्चिकै जगाउन आईजी सा’प प्रहरीलाई तलैसम्म जिम्मेवार बनाएर अघि बढ्नु पर्ने मनस्थितिमा हुनुहुन्छ,’ आईजीपी थापानिकट स्रोत भन्छ, ‘त्यसैले प्रहरी नेतृत्वलाई कसरी माथिदेखि तलैसम्म जिम्मेवार बनाउन सकिन्छ भनेर अहिले पोलिसी निर्माणको काम सुरु भइरहेको छ ।’
प्रहरीमा बढ्दो अनुशाहीनता, खराब आचरण जस्ता तमाम विकृति छन् । यो कसैबाट चुकेको छैन । घुमुवा प्रहरी पनि विकृतिको एउटा अंश मानिन्छ ।
स्रोतका अनुसार, संगठनमा थुप्रिएका यी तमाम विकृतिप्रति नव नियुक्त आइजीपी थापा गम्भीर छन् । त्यसैले उनी प्रहरीभित्रका विकृतिमाथि अबका दिनमा निर्मम ढंगले प्रस्तुत हुने अपेक्षा गरिएको हो ।
नया“ आईजीपीले कार्यभार सम्हालेलगत्तै सचिवालय हेरफेर गर्ने गरिन्छ । तर संगठन शुद्धीकरणलाई बटमलाइन बनाएका आईजीपी थापा आफ्नो सचिवालय तत्कालै परिवर्तन गर्ने मनस्थितिमा छैनन् ।
सचिवालयमा कतिपय अनुभवी र योग्य मानिस रहेकाले तिनलाई निरन्तरता दिने र विस्तारै गेयर बदलेर अघि बढ्ने उनको सोच रहेको उनी निकट वरिष्ठ प्रहरी उपरीक्षकले बताए ।
