• काठमाडौं,असार २७ गते सनिवार ।
• जन प्रभाब-सम्बादाता

अख्तियार दुरुपयोग अनुसन्धान आयोगको नाममा पाँच करोड असुल्ने केही व्यक्तिहरुको प्रयास असफल भएको छ । नक्कली उजुरी खडा गरी जग्गा व्यवसायीसँग बार्गेनिङ गर्ने नौ जना पक्राउ परेका छन् । आयोग र प्रहरीले बिहीबार ज्योतीष अर्जुन कुमार थापा क्षेत्रीसहितका व्यक्तिलाई पक्राउ गरेर अनुसन्धान थालेको छ ।

जग्गासम्बन्धि उजुरी परेकोले मिलाउन भन्दै उनीहरुले बुढानिलकण्ठ चपलीका एक जग्गा व्यवसायीसँग पाँच करोड रुपैयाँ मागेका थिए । पनि ५० लाखसम्म मुद्दा मिल्ने भन्दै पैसा लिन गएका बेला पक्राउ परेका हुन् । सरकारी जग्गामा हिनामिना गरेको भन्दै ती व्यवसायीलाई धम्काइएको थियो ।
आयोग र महानगरीय अपराध महाशाखाको टोलीले विजय रावल, जगदिश खड्का, राजेन्द्र कुमार श्रेष्ठ, राजेश गुरुङ, शम्भु प्रसाद रेग्मी, शंकर बिक्रम खड्का, श्याम सिंह थापा र विवेक पोखरेल भएको आयोगले जनाएको छ। घटनाका माष्टर माइन्ड शम्भु रेग्मी हुन् । ज्योतीष क्षेत्रीले आफु अख्तियारको सहसचिव भएको बताएका थिए । उनीहरुले पैसा मागेको भिडियो समेत बरामद भएको प्रहरीले जनाएको छ ।