- काठमाडौं,असार २४ गते बुधबार ।
- जन प्रभाब-सम्बादाता
छोटो अवधिका लागि प्रहरी नेतृत्वमा पुगेका प्रहरी महानिरीक्षक (आइजिपी ) ठाकुर प्रसाद ज्ञवालीले आज अवकाश पाउँदैछन् । ३० वर्षे सेवा अवधिका कारण ज्ञवालीसहित उनका ब्याची प्रहरी अतिरिक्त महानिरीक्षक (एआईजी) तारिणीप्रसाद लम्साल र प्रहरी नायब महानिरीक्षक (डीआईजी) सूर्यप्रसाद उपाध्यायले पनि अवकाश पाउँदैछन् ।
प्रहरी प्रधान कार्यालयमा उनीहरुको साँझ ५ बजे विदाई कार्यक्रम राखिएको छ । विदाईमा सातै प्रदेशका प्रहरी प्रमुख बोलाइएका छन् । सरकारले एआईजी शैलेश थापा क्षेत्रीलाई नयाँ महानिरीक्षकमा नियुक्त गरेको छ । थापाले बिहीबारदेखि कमाण्ड सम्हालेछन् । ज्ञवाली २८ माघमा प्रहरी महानिरीक्षकमा नियुक्त भएका थिए । करिब पाँच महिना उनले प्रहरी नेतृत्व सम्हाले । एआईजी लम्सालको अवकाश र शैलेशको बढुवापछि रिक्त दुई पदका लागि दौडधुप सुरु भएको हो ।
फेसबुकबाट तपाईको प्रतिक्रिया !