- एजेन्सी ,असार २२ गते सोमबार ।
- जन प्रभाब-सम्बादाता
चीनको उहानमा देखिएको एउटा भाइरसले अहिले संसारलाई आफ्नो प्रभावमा लपेटेको छ । सुरुमा कोरोना नाम दिइएको यो भाइरस अहिले कोभिड १९ को नामले विश्वभर आफ्नो साम्राज्य कायम गर्न उद्दत छ ।२०१९ को डिसेम्बर ३१ मा पत्ता लागेको यो भाइरसले ७ महिनाको अवधिमा विश्वभर एक करोड १२ लाखलाई संक्रमित तुल्याएको छ । यसैगरी संक्रमणका कारण ५ लाख ३१ हजार भन्दा बढी मानिसको मृत्यु भइसकेको छ ।
यस्तै कोरोना भाइरस कोभिड १९ को संक्रमणबाट मुक्त भएर निको हुनेको संख्या पनि ६४ लाख ८० हजार ७ सय ७७ छ । अचम्मको प्रश्न यही उभिएको छ । अहिलेसम्म कुनै कोरोना भाइरसको कुनै औषधि पत्ता लागेको छैन । तर यत्रो संख्यामा कसरी निको भए त ?
अहिलेसम्म त्यस्तो कुनै औषधि बन्न नसक्दा डाक्टरलाई यसको उपचारमा सहयोगी कुनै बुटी भेटन सकिरहेका छैनन् । अहिलेसम्म संसारभरि एक सय ५० भन्दा बढि औषधिहरुमाथि अनुसन्धान भइरहेको छ। धेरै जसो औषधिहरू अहिले पनि सर्कुलेशनमा छन् । जुन कोरोना संक्रमणको उपचारमा प्रयास भइरहेको छ ।
विश्व स्वास्थ्य संगठनले सबैभन्दा प्रभावकारी उपचारको आकलन गर्न एक ऐक्यबद्धता परीक्षण सुरू गरेको छ। बेलायत यसको रिकभरी ट्रायल सब भन्दा ठूलो भएको बताएको छ । यसमा हालसम्म ५ हजार भन्दा बढी बिरामीहरूलाई समावेश गरिएको छ। यस बाहेक, संसारभरि थुप्रै अनुसन्धान केन्द्रहरू छन् जसले कोरोनाबाट निको पारिएका बिरामीहरूको रगत प्रयोग भइरहेको छ ।
विज्ञहरुले अहिलेसम्म कोरोना जित्नेहरुमाथि गरेको अनुसन्धानले फरक फरक अनुभव संगालेका छन् । कसैले मानिसको शरीरमा रहेको रोगप्रतिरोधात्मक शक्तिलाई पहिलो मानेका छन् त कसैले चिकित्साकर्मीको प्रयासलाई श्रेय दिनु पर्ने बताएका छन् ।
कतिले मानिसहरुको आत्मबल, वातावरण र सकारात्मक सोंच प्रबल रहेको बताएका छन् । यता धेरैले प्रभावित देशहरुले सतर्कता अनपाउँदै समयमा नै गरेको लकडाउनको भूमिका पनि संक्रमण रोकथाममा प्रभावशाली बनेको बताएका छन् । र, यो विर्सन नहुने पक्षको रुपमा स्वीकारिनु पर्ने उनीहरुको तर्क छ ।
संक्रमित दिनानु दिन थपिदो छन् । तर औषधि अर्थात भ्याक्सिनमाथि विजय अहिले पनि अनुसन्धानमा नै केन्द्रित छ । विश्व स्वास्थ्य संगठन डब्ल्युएचले कोभिड १९ विरुद्ध लड्न विश्वका महाशक्ति मुलुकहरु एक हुन नसक्नुको दुष्परिणाम बताउँदै यो भाइरसले विश्वमा अझै पनि पञ्जा फैल्याउने चेतावनी दिइसकेको छ ।
पृथ्बीवासीमा यस अघि पनि धेरै पटक यस्ता भाइरसले आक्रमण गरिसकेको छ । जस्को औषधि पत्ता लगाउन वैज्ञानिकहरुलाई लामो समय लाग्यो । तर डब्ल्युएचको चेतावनीको अझै मनन नगर्ने हो भने कोभिड १९ को महामारी अझै चर्कने सम्भावना छ नै ।
औषधि नबन्दाको अवस्थामा ६० लाख बढी मानिसले कोरोनालाई जित्नु भाग्यको खेल नै हो । तर प्रकृति र अन्य प्राणीमाथि मानिसले गर्ने व्यवहारलाई भने सबक सिकाएको छ नै कोरोनाको विश्व यात्राले ।
विश्वको अर्थतन्त्र धराशायी अवस्थामा पुग्दा लकडाउनले केही समय भएपनि विश्वको वातावरणले एकपटक संग्लिने अवसर पाएकोलाई सकारात्मक मानियो । कोरोनाले धेरै तवाह मच्चाए पनि सकारात्मक धेरै उर्जा पनि दिएको छ । अब औषधि हो चाहिएको विश्ववासीलाई , जुन चाँडै बनोस भन्ने विश्ववासीको चाहना छ ।
