- सिरहा,असार २१ गते आइतबार ।
- आलोक यादव
सिरहा प्रहरीले लागुऔषध मुद्दामा पक्राउ परेर पटक पटक छुट्दै आएका १ जनालाई पुन – आज लागुऔषधसहित पक्राउ गरेको हो ।
लुकीछिपी लागुऔषध कारोबार गरिरहेको गोप्य सूचनाका आधारमा जिल्ला प्रहरी कार्यालय सिरहा र ईलाका प्रहरी कार्यालय गोलबजारका इन्सपेक्टर जनक पुरीको कमाडमा खटिएको सन्युक्त प्रहरी टोलीले लागूऔषधसहित गोलबजार नगरपालिका – ४ निवासी ४२ वर्षीय मनोजकुमार साहलाई घरबाटै पक्राउ गरेको छ ।
आफ्नै घर कोठामा प्रतिबन्धित लागुऔषध बिक्री वितरण गरिरहेको अवस्थामा लागु औषध डाइलेक्स डिसी ६७ बोतल, नाईट्रोभेट ट्याब्लेट १६५ पिससहित साहलाई पक्राउ गरिएको जिल्ला प्रहरी कार्यालय सिरहाका सूचना अधिकारी एवम् डिएसपी विनोद घिमिरेले जानकारी दिए ।
पक्राउ परेका साहमाथि थप अनुसन्धान भइरहेको प्रहरीको भनाई छ । साह यसअघि पटक-पटक लागुऔषधसहित पक्राउ परेका थिए । पछिल्लोपटक करिब ४ महिना अघि साह लागुऔषध मुद्दामा अदालतबाट धरौटीमा रिहा भएका थिए ।
फेसबुकबाट तपाईको प्रतिक्रिया !