- काठमाडौं,असार २१ गते आइतबार ।
- जन प्रभाब-सम्बादाता
प्रधानमन्त्री निवास बालुवाटारमा २०७७ असार २१ गते बिहान प्रधानमन्त्री केपी शर्मा ओलीले रक्षामन्त्री ईश्वर पोखरेल, प्रदेश ५ का मुख्यमन्त्री शंकर पोखरेल,र प्रधानसेनापति पूर्णचन्द्र थापासँग भेटवार्ता गरेकाे बालुवाटार स्रोत बताउँछ ।
प्रधानमन्त्रीले आजै प्रदेश ५ का मुख्यमन्त्री र रक्षामन्त्रीसँग भेटघाट गर्नु सामान्य कुरा मानिएपनि संक्रमणकालीन अवस्थामा प्रधानसेनापति पूर्णचन्द्र थापालाई भेट्दा चाहिं जिज्ञासाहरू प्रकट भएका छन् ।
आन्तरिक राजनीतिक सम्बन्धमा मुलुकको सेनाको खासै सम्बन्ध रहँदैन । तर, प्रधानमन्त्री केपी ओलीमाथि राजीनामाको दबाब परेसँगै पार्टी तथा प्रतिपक्षका नेताहरु भेटघाट गर्नु सामान्य भएता पनि प्रधानसेनापतिलाई भेटघाटमा बोलाउनुको अर्थ मुलुक अर्काे गम्भीर भड्खालोमा त जाने होइन भन्ने उठेकाे छ ।
नेकपाका अध्यक्ष पुष्पकमल दाहाल र वरिष्ठ नेता माधवकुमार नेपाल एकजुट भएर प्रधानमन्त्री केपी ओलीले प्रधानमन्त्री र पार्टीको अध्यक्ष पद छाड्नुपर्ने अडान राखिरहेको अवस्थामा प्रधानमन्त्री ओली भने जन निर्वाचित दुबै पद नछाड्ने अडानमा रहेका छन् । आफूविरुद्ध आफ्नै पार्टीका नेताहरु लागेको भन्दै मन्त्रीहरुलाई प्रधानमन्त्री ओलीले स्पष्टरुपमा आफ्नो पक्ष भए नभएको बताउन आग्रह गरेकाे खबर छ ।
पार्टीकै वरिष्ठ नेताहरुलगायत अधिकांश पार्टीका नेताहरुले पदबाट छाड्न दबाब दिएलगत्तै पार्टीलाई फुटबाट जाेगाउनका लागि प्रधानमन्त्री ओली भेटघाटमा व्यस्त रहेका छन् ।
