- नेपालगंज,असार २१ गते आइतबार ।
- जन प्रभाब-सम्बादाता
बाँकेका प्रहरी प्रमुख एसपी ओमबहादुर रानाले जिल्लामा लागू औषध दुव्र्यसनी र कारोबारी नियन्त्रण आफ्नो प्रमुख प्राथामिकता भएको बताउनुभएको छ ।
कोरोना रेडजोन बाँकेमा आए लगत्तै विशेष कुराकानीमा एसपी रानाले लागू औषध नियन्त्रण गर्दै निषेधकै अवस्थामा पु¥याउने दाबी गर्नुभयो ।
‘खुला सीमा भएका कारण हाम्रा लागि लागू औषध नियन्त्रण मुख्य चुनौती हो । हामीले पनि निकै प्राथमिकता साथ यसको नियन्त्रणमा लाग्छौं’, उहाँ भन्नुहुन्छ, ‘दुव्र्यसनीदेखि कारोबारीका अखडा ध्वस्त बनाउने छौं । नेपालको कानुनले लागू औषध सेवन र कारोबार गर्नुलाई अपराध मानेकाले नियन्त्रण कानुनी कारबाहीलाई निर्ममतापूर्वक गर्नेछौं ।’
सीमा क्षेत्रबाट लागू औषध नियन्त्रणका लागि सादा पोशाकका प्रहरी परिचालन गर्ने, तालिम प्राप्त कुकुरको प्रयोग गर्नेलगायतका नियन्त्रणका सबै विधि प्रयोग गर्ने उहाँले योजना सुनाउनुभयो ।
गाउँगाउँ र टोलटोलमा लागू औषध दुव्र्यसनीबारे सचेतना कार्यक्रम लैजाने उहाँले प्रण गर्नुभयोे, ‘प्रहरीलाई लागू औषध नियन्त्रणका लागि छुट्टै बजेटको अभाव हुने भएकाले समुदाय साझेदारी कार्यक्रमबाट समुदायको तल्लो तहसम्म सचेतनामूलक कार्यक्रम सन्चालन गर्नेछौं ।’
उहाँले गाउँ टोलसम्म समिति गठन गर्ने, लागू औषधका विज्ञ र विशेषज्ञलाई बोलाएर छलफल कार्यक्रमहरु सन्चालन गर्ने पनि उहाँको योजना छ । विद्यार्थी र अभिभावकलाई सचेतना गराउन पनि कार्यक्रम आयोजना गरिने उहाँले सुनाउनुभयो ।
उहाँले लागू औषध नियन्त्रणका लागि स्थानीय सरकार, विभिन्न संघसंस्था, विद्यालय, अभिभावक, आमा समूह, युवा र बाल क्लबहरुसँग साझेदारीमा सचेतनामूलक कार्यक्रम गर्ने पनि बताउनुभयो ।
बाँकेको नेपालगन्ज पश्चिमको ठूलो नाका हो । लागू औैषधको कारोबार र लागू औषध दुव्र्यसनीका हिसाबले बाँके ट्रान्जिट प्वाइन्ट नै हो । लागू औषध कारोबारको यहाँको मूख्य बजार भारत हो ।
औषध दुरुपयोग गरेर लागू औषधको रुपमा सेवन गर्नेदेखि कडा खालको लागू औषध ब्राउन सुगरको कारोबारका लागि यो नाका प्रयोग हुन्छ । जिल्लामा सबैभन्दा बढी कारोबार हुने ब्राउन सुगर हो ।
लकडाउनको अवधिमा यसको कारोबार प्रहरी नजरमा शून्य नै भयो । ‘कोरेक्स त सीमावर्ती भारतीय बजारमा सहजै किन्न पाउने भएकाले उतै खाएर आउने ठूलो जमात छ । लकडाउनमा सीमा पूर्ण रुपमा सीमा नाकामा कडाइ भएकाले यो वर्ष गत वर्षको तुलनामा एक तिहाइ नै घटेको छ ।
गत वर्षको जेठ मसान्तदेखि यो वर्षको सोही अवधिसँग तुलना गर्दा लागू औषध कारोबारी पक्राउ र कारबाही एक तिहाइले घटेको छ ।
बाँके प्रहरीले अघिल्लो वर्ष तीन सय ३२ जनालाई पक्राउ गरेको थियो भने यो वर्ष दुई सय २५ जनालाई मात्र कारबाही गरेको छ । जुन अघिल्लो वर्ष भन्दा एक सय सातले कम छ । जुन अघिल्लो वर्षभन्दा ३२.२२ प्रतिशतले कम हो ।
गत वर्ष दुई सय १९ जनालाई कारबाही गरेकोमा यो वर्ष ६९ जना घटेर एक सय ५० मा झरेको छ । जुन गत वर्षभन्दा ३१.५० प्रतिशतले कम हो । लकडाउनमा लागू औषधका सेवनकर्ताहरु पनि घरबाट बाहिर निस्कन पाएका छैनन् ।
युवाहरु परिवारका सदस्यसँगै बसेकाले पनि लकडाउन लागू औषध नियन्त्रण गर्ने घरेलु विधि जस्तो भएको छ ।
ब्राउन सुगर, कोरेक्स जस्ता लागू औषध भारतबाट नेपाल आउँछ भने गाँज, चरेस र अफिम जस्ता लागू औषध नेपालबाट भारतमा ओसारपसार हुन्छ ।
कोरोना कहरका कारण लगाइएको लकडाउनबाट लागू औषधको सेवनकर्ता र कारोबार सुस्ताएकोे बेला लागू औषध नियन्त्रण हुँदै निषेध गर्ने बाँकेमा प्रहरी प्रमुख एसपी रानाको लागि मुख्य चुनौती हो ।
