- लहान,असार १८ गते बिहीबार ।
- निरज कुमार यादव
कोरोना भाइरस महामारीका कारण ४ महिनादेखि रोकिएको श्रम स्वीकृति पुन: सुरु भएको हो। वैदेशिक रोजगारीका लागि आजबाट पुनः श्रम स्वीकृति जारी गर्ने थालिएको छ ।
काठमाडौं कार्यालयबाट आजबाट नै श्रम स्वीकृति दिन सुरु गरिने वैदेशिक रोजगार विभागका निर्देशक भोलानाथ गुरागाईँले जानकारी दिनु भयो । अन्य प्रदेशमा रहेका श्रम कार्यालयहरूबाट आइतबारबाट मात्र पुनः श्रम स्विकृति दिन सुरु गरिने विभागका निर्देशक गुरागाईँले बताए ।
काठमाडौं कार्यालयले स्वास्थ्य प्रोटोकलको मापदण्डअनुसार सेवाग्राहीको लागि लाइन बस्न २–२ मिटरको दूरी कायम हुने गरी व्यवस्था मिलाइएको छ ।
कोभिड९१९ संकट व्यवस्थापन केन्द्र ९सीसीएमसी० को ७ असारमा बसेको बैठकले श्रम, रोजगार तथा सामाजिक सुरक्षा मन्त्रालयलाई वैदेशिक रोजगारीमा जाने कामदारका लागि श्रम स्वीकृति दिन अख्तियारी प्रदान गरेको थियो ।
उपप्रधानमन्त्री एवं रक्षामन्त्री ईश्वर पोखरेलको नेतृत्वमा रहेको कोरोना संक्रमण रोकथाम तथा नियन्त्रण उच्चस्तरीय समन्वय समितिले गत २९ फागुनदेखि वैदेशिक रोजगारीमा जाने कामदारको श्रम स्वीकृति स्थगनको निर्देशन दिएको थियो ।
उक्त निर्देशनपछि विभागले गत ३० फागुनदेखि वैदेशिक रोजगारीमा जाने, घर विदामा नेपाल आएका तथा नयाँ श्रम स्वीकृति अनिश्चितकालका लागि स्थगन गरेको थियो ।
श्रम कार्यालय ताहाचालले वैदेशिक रोजगार मागपत्रको स्वीकृतिका साथै श्रम स्वीकृति प्रदान गर्दै आएको छ ।
