कृष्णा यादव
पर्सा ,जेठ २८ गते बुधबार । जिल्ला प्रहरी कार्यालय पर्साले ५६ केजी गाजा बोकेको एउटा एम्बुलेन्स सहित तिन जनालाई नियन्त्रणमा लिएको छ ।
पर्सा प्रहरीको क्राईम ब्रान्च टोलीले बुधवार बिहान ५६ केजी लागु औषध गाजा सहित ३ जनालाई नियन्त्रणमा लिएको हो ।
पर्सा प्रहरीले बिशेष सुचनाको आधारमा बीरगंज २७ रामपुरबाट पर्साको भौराटार जादै गरेको अवस्थामा पक्राउ गरी नियन्त्रणमा लिएको जिल्ला प्रहरी कार्यालय पर्साका प्रहरी नायव उपरिक्षक गौतम थापाले बताएकाछन ।
अल्पाईन मेडिकल कलेज टिचिङ अस्पताल सिमरा बाराको ना ४ च ८५९९ नम्बरको एम्बुलेन्समा गाजा लोड गरी पर्साको बहुदरामाई गाउपालिका ५ भौराटार हुदै भारत तर्फ जादै गरेको अवस्थामा उक्त गाजा सहित ३ जनालाई पक्राउ गरिएको जिल्ला प्रहरी कार्यालय पर्साका प्रहरी नायव उपरिक्षक थापाले आज आफनै कार्यकक्षमा पत्रकार सम्मेलन गरी सन्चारकर्मीहरुलाई जनाएकाछन ।
बुधबार बिहान करिव ३ बजेको समयमा जिल्ला प्रहरी कार्यालय पर्साको क्राईम ब्रान्च टोलीका प्रमुख रवी भुषण यादवको नेतृत्वमा रहेको प्रहरी टोलीले एम्बुलेन्स चेकजाच गर्ने क्रममा ५६ केजी जगाजा सहित ३ जनालाई नियन्त्रमा लिएका थिए ।
उक्त गाजा सहित पक्राउ पर्नेमा सलार्ही जिल्लाको लालबन्दी निवासी १५ का २३ बर्षिय जितबहादुर वाईवा, ऐऐ वस्ने बर्ष २२ का दिल बहादुर वाईवा र पर्साको बहुदरामाई नगरपालिका ५ बस्ने बर्ष ३२ को हरिशंकर महतो रहेको पर्सा प्रहरीले जनाएको छ । पर्सा प्रहरीले उक्त लागु औषध गाजा सहित नियन्त्रणमा लिएको ३ जनालाई प्रहरी हिरासतमा राखी थप अनुशंधान भै रहेको प्रहरीले जनाएको छ ।
बिश्व ब्यापी माहामारीको रुपमा फैलिएको कोरोना भाईरस संक्रमणको बेला सरकारले गरेको लकडाउनको फाईदा उठाउदै तस्करहरुले अवैध रुपमा लागु औषध लगायत बिभिन्न खाले तस्करी ब्यापक रुपमा हुदै आएको छ ।
त्यसैगरी पर्सा प्रहरीले बिशेष चेकजाचको क्रममा नेपालबाट भारत तर्फ तेल टयाङकरमा लुकाई छिपाई लादै गरेको अवस्थामा मदिरा सहित एउटा टयाङकर सहित दुई जनालाई नियन्त्रणमा लिएको छ ।
बीरगंज माहानगरपालिका वडा नम्बर १६ स्थित रजत जयन्ती चौकबाट नेपालबाट भारत तर्फ जादै गरेको ना २ ख ७३७५ नम्बरको टयाङकर भित्र लुकाई छिपाई लगी रहेको अवस्थामा पर्सा प्रहरीको टोलीले नियन्त्रणमा लिएको हो । उक्त टयाङकरबाट गोल्डेन ओके रक्शी ४८ थान, नेपाल आईस बियरको क्यान २४ थान सिंगनेचर ३३ थान , ८८४८ नम्बरको भेडका रक्सी सहित दुई जनालाई नियन्त्रणमा लिएको प्रहरीले जनाएको छ । पक्राउ परेकाहरुलाई जिल्ला प्रहरी कार्यालय पर्सामा राखेर थप अनुसंधान भै रहेको प्रहरीले जनाएको छ ।
फेसबुकबाट तपाईको प्रतिक्रिया !