काठमाडौं,जेठ २७ गते मंगलवार ।

रुपन्देही जिल्लाको रोहिणी गाउँपालिका – २ बाट जेठ २५ गते एपीएफ टोलीले करीव एक लाख १५ हजार रुपैयाँ बराबरको चोरीपैठारी तथा चोरीनिकासीको सामान बरामद गरेको छ ।
नेपालबाट अवैध रुपले भारततर्फ लैजाँदै गरेको सात सय ३४ बोतल मदिरा र भारतबाट अवैध रुपले नेपालतर्फ ल्याउँदै गरेको लत्ताकपडा तथा ईलोक्ट्रोनिक्स सामान सशस्त्र प्रहरी बल, नेपाल बोर्डर आउट पोष्ट पजरकट्टिबाट खटिएको एपीएफ टोलीले बरामद गरेको हो ।
बरामद सामान भन्सार कार्यालय भैरहवामा बुझाईएको छ ।
यसैगरी मोरङ जिल्लाको जहदा गाउँपालिका १ भुटाहा स्थित सीमा ईलाकाबाट जेठ २६ गते एपीएफ टोलीले करीव एक लाख तीन हजार रुपैयाँ बराबरको चोरीपैठारीको सामान बरामद गरेको छ ।
भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको सुर्तीजन्य पदार्थ, किराना सामान र पाँच वटा साईकल सशस्त्र प्रहरी बल, नेपाल बोर्डर आउट पोष्ट जहदाबाट खटिएको एपीएफ टोलीले बरामद गरेको हो ।
एपीएफ टोलीले बरामद सामान भन्सार कार्यालय बिराटनगरमा बुझाएको छ ।