बिरगंज,जेठ २७ गते मंगलवार ।
बिरगंज महानगरपालीका सडकछेउमा राेपिएका बिरूवाहरू बारे अध्ययन सुरू गरेकाे वातावरण जिउने आधार संस्थाले आदर्शनगर क्षेत्रमा रहेकाे ९ सय बिरूवाहरूकाे दुई दिन लगएर अध्ययन गरेकाे जनाएकाे हो ।
सडक छेउमा राेपिने बिरूवाहरूकाे निश्चित मापदण्ड बमाेजिम छन् वा छैनन् भन्ने बुझ्नका लागि अध्ययन सुरू गरिएकाे संस्थाका राष्ट्रिय अध्यक्ष आकाश चाैहानले बताएका छन् ।
गत शनिबारबाट सुरू भएकाे अध्ययनले आदर्शनगर क्षेत्रकाे सडकपेटिमा करिब ९०० बिरूवाहरू राेपिएकाे देखाएकाे छ र राेपिएका अधिकांश बिरूवाहरू मापदण्ड विपरीत रहेका छन् ।
उनले भने “एकै ठाउँमा दुइ – तीनवटा सम्म बिरूवाहरू राेपिएका छन् । आदर्शनगरमा राेपिएका बिरूवाहरू मध्ये अधिकांश बिरूवाहरू खेतबारीमा राेप्ने प्रकृतीका देखिएकाे छन् ।”
अध्ययनका क्रममा सडक छेउमा महुवा, आँप, अम्बा लगायतका विशाल वृक्षका बिरूवाहरू पनि भेटिएकाे चाैहानले बताए । यस्ता बिरूवाहरू समयसँगै विशाल आकार लिने र यसका जराले सडकमा दरार समेत पर्नसक्ने चिन्ता ब्यक्त गरे।
अध्ययन वीरगञ्ज महानगरका सबै वडाहरूमा हुनेछ । अब पानिटंकी क्षेत्रकाे सडकपेटिमा रहेका बिरूवाहरूकाे अध्ययन हुने संस्थाले जनाएकाे छ ।
संस्थाका वीरगञ्ज कार्यबाहक अध्यक्ष साैरभ वर्णवालकाे अध्यक्षतामा रहेकाे अध्ययन टाेलीमा संस्थाका राष्ट्रिय अध्यक्ष चाैहन सहित प्रभाकर चाैरसिया, मयन्क राैनियार, बिकाश चौहान,अमन दास, साहिल, दिपु वर्णवाल लगायतका रहेका छन् ।
