काठमाडौ,जेठ २७ गते मंगलवार ।
हरिपृया- प्रकाश फाउन्डेसन मार्फत सौन्दर्य, स्वास्थ र खाद्यान्न बितरण राहत कार्यक्रममा बढ्दो भिडभाड बारे स्थानीय प्रशासनको सुझाव प्रतिगम्भीर हुँदै सामाजिक अभियन्ता क्षितिज भण्डारी मार्फत नेपाल पत्रकार महासंघ र नेपाल प्रेस युनियन भक्तपुर र ललितपुर युनियनले सामाजिक दुरिको सर्कल बनाई सञ्चारकर्मीलाई संस्थागत ढंगले
स्वास्थ्य सामाग्री सहयोग बुझेको छन् ।
नेपाल प्रेस युनियन ललितपुरकि अध्यक्ष जानुका पौडेलको आग्रहमा उपाध्यक्ष केदारनाथ दाहाललाई युनियनका पदाधिकारी एवं सदस्य बिच ललितपुर महानगरपालिका, मन्त्री क्वाटर नजिकैका कोरोनाबाट जोगिन फ्रन्टलाईनको पत्रकारलाई मास्क, ग्लोब्स, तेल र फेसवास लगायत सामाग्री फाउन्डेसन मार्फत हस्तान्तरण गरिएको पत्रकार ईन्द्र रिजालले बताए । युवानेता भण्डारीद्वारा स्वास्थ्य सामाग्री हस्तान्तरण निकै राम्रो अझ सौन्दर्य सामाग्री कार्यक्रम मार्फत मुस्कान ल्याउने अभियानबाट आफुहरु उत्साहित भएको उपाध्यक्ष दाहालले जनाएको छन् ।
उपत्यकामा कार्यरत फ्रन्टलाईनका पत्रकारलाई सौन्दर्य र स्वास्थ्य सामाग्री पत्रकार महासंघ भक्तपुरका अध्यक्ष पुस्कर बुढाथोकी र युनियनका अध्यक्ष रोशन शिल्पकारलाई फाउण्डेशनको तर्फबाट सामाजिक अभियन्ता क्षितिज भण्डारीले कोरोना बाट बच्न सय थान मास्क, पञ्जा सहित फेसवास, सैम्फु, साबुन, तेल र ह्यान्ड वास हस्तान्तरण गरिएको छ
स्वास्थय र सौन्दर्य सामाग्री बुझ्दै नेपाल पत्रकार महासंघका सभापति बुढाथोकीले गैरराजनीति तवरले सामाग्री बितरण प्रति खुशी प्रकट गर्दै धन्यवाद व्यक्त गरेका थिए ।
नेपाल प्रेस युनियनका सभापति शिल्पकारले आर्थिक मन्दीले नियमित जिविकाउपार्जन गर्न पनि पत्रकारलाई गार्हो परेको बेला सबैलाई सहयोग अपिल गर्नुभयो ।
लकडाउनका बेलापनि काठमाडौंदेखि सम्झेर भक्तपुरमा आई फ्रन्टलाइनमा खटिएका पत्रकार बन्धुहरुलाई राहत सामाग्री वितरण गरेकोमा समाजसेवि एवं प्रभावशाली नेता विनोद कायस्थले बताए ।
१० हजार नागरिकलाई राहत बाडने अभियान अन्तर्गत खाद्यान्न, रिचार्ज कार्ड,स्वास्थ्य सामाग्री र सौन्दर्य सामाग्री आफ्नी आमा स्वर्गीय हरिप्रिया भण्डारीको स्मृतिमा राहत बाडिएको सामाजिक अभियान्ता क्षितिज भण्डारीले जानकारी दिए ।
स्मरण रहोस युवानेता भण्डारीले भुकम्प, बाढिपहिरो, टोनार्डो, आगलागि पीडित हरेक बर्ष लाखौंको राहत सहयोग फाउन्डेसनमार्फत बाडँदै आएका छन् । लामो समय नेपाल महिला संघको केन्द्रीयमा नेतृत्वमा रहेकी शिक्षाविद् एवं समाजसेवी नेतृ स्वर्गीय भण्डारी नेपाली कांग्रेसको महासमिति सदस्य हुँदै समानुपातिक सांसद उम्मेदवार समेत भएकी थिइन ।
कोरोना र लकडाउनका कारण धेरैले दाह्ररीकपाल काट्न रेजर–ब्लेड किन्न नसकेको, नुहाउनका लागि गुणस्तरीय साबुन र स्याम्फुको कमी महशुस गरेको , अझ सौन्दर्यता र आत्मविश्वास बढाउने हिमालयको फेसबास, डाबरको तेल, मञ्जन र ब्रस तथा क्रिमहरु जनताको पहुँचबाहिर रहेकोले सौन्दर्य सामाग्रीमा विशेष फोबस गरि नागरिकको अनुहारमा मुस्कान ल्याउन खोजिएको सामाजिक अभियन्ता भण्डारीले बताए । सौन्दर्य सामाग्री बाहेक खाद्यान्न, स्वास्थ्य सामाग्री,एनटीसी र एनसेलको रिचार्ज कार्ड बाडेर फाउण्डेशनले नौलो खाले राहतको शुभारम्भ गरेको छ । वितरण कार्यक्रमका लागि कुनै आर्थिक सहयोग नउठाइएको तर कार्यक्रम वितरण व्यवस्थापनमा स्थानीय समाजसेवी व्यक्ति, संस्था र नेपाल प्रहरीले सामाजिक दुरी कायम गरि राहत वितरण गर्न सफल भएको भण्डारीले जानकारी दिए ।
निस्वार्थ भावनाले गैरराजनीतिक तवरले सन्चारकर्मीलाई फाउन्डेसनको सहयोग बितरण निरन्तर जारी राख्न आव्हान गर्दै अरु संघसंगठनलाई पनि संस्थागत र पारदर्शी आर्थिक राहत प्याकेज, पिपिई, एम९५ हजारौंको संख्यामा उपलब्ध गराउन अनि बिश्वासनिय परिक्षणको दायरा बढाउन आग्रह गरेका छन् । फाउन्डेसनले सोमबारदेखि ललितपुर पत्रकार महासंघ, अनाथालय र बढी जनघनत्व बस्तीमा राहत बितरणलाई अनुमती लिईरहेको पत्रकार रिजाल बताउँछन ।
