एजेन्सी , जेठ १७ गते सनिवार । स्वास्थ्य क्षेत्रमा लागेर अरुको उपचार गर्छु भन्ने व्यक्ति, आफै उपचार नपाएर मर्नु पर्दा त्यो भन्दा विडम्बना अर्को केही हुन सक्दैन । यस्तै भएको छ, भारतको कर्नाटक राज्यको बेंगलोरमा मेडीकल अध्ययन गर्न गएका एक नेपालीसँग । पुरै विश्व अहिले कोरोना महामारीले त्रसित छ । मान्छेले अर्को मान्छेलाई शायद कोरना संक्रमित पो होकी भनेर बचेर हिँडनुपर्ने अवस्था छ । तर कुनै पनि परिस्थितिमा विरामीको सेवा गर्नुलाई आफ्नो पेशागत धर्म ठान्ने चिकित्सकहरुले नै ज्वरो आँउदा उपचार गर्न नमानेपछि झापाका पवन दाहालको बेंगलोरमा निधन भएको छ ।

कोरोनाका कारण गरिएको लकडाउनका कारण पवन दाहालका आफन्तहरु पनि बेंगलोरमा आउन पाएनन । उनको अन्तिम संस्कार भने उनि अध्ययरत कलेजका प्रशासनको सहयोग र नेपाली विद्यार्थीहरुको उपस्थितिमा गरिएको छ । जानकारीका अनुसार पवन बेङ्लोरको बिथल कलेजमा मेडिकलसम्वन्धी अध्ययन गरिरहेका थिए । लकडाउनकै क्रममा उनलाई ज्वरो आएको थियो । अहिले मानिसहरुले कोरोनाले त्रसित भइरहेकाले उनले आफुलाई भएको ज्वरोलाई सामान्य रुपमा लिएर सामान्य सिटामोलको औषधि सेवन गरिरहेका थिए तर पछि ज्वरोले उनलाई सही नसक्नु भएपछि करिब 6 दिनपछि उनका साथीहरुले उनलाई अस्पताल लिएर गए तर कुनै पनि अस्पतालले उनको अवस्था हेरेर भर्नानै गर्न मानेनन । तर अन्तिममा एक सरकारी अस्पतालमा राखेर उनको परीक्षण गर्दा उनलाई डेङ्गु भएको रहेछ ।

तर अब उनको औषधी उपचार शुरु भएपनि ढिलो भइसकेको थियो । 21 मईका दिनमा उनको मृत्यु भयो । उनको परिवार झापामा रहेकाले उनको कुनै पनि सदस्यले उनलाई अन्तिम पटक पनि भेट्न पाएन । फलस्वरुप 22 मईका दिन, कलेजका अध्यक्ष, पवनका साथीहरु र केही स्थानिय नेपालीहरुको उपस्थितिमा उनको अन्तिम संस्कार गरिएको अखिल भारत नेपाली एकता मञ्चका विद्यार्थी नेता मिनेश रावलले बताउनु भएको छ । रावलका अनुसार उनको स्वास्थ्य परीक्षणमा उनलाई डेङ्गु भएको थाहा भएको छ । मान्छे कोरोना संक्रमित भएपछि पनि बाँचिरहेका छन । तर डेङ्गु भएपछि उपचारै नगर्नु स्वास्थ्य सेवामा लागेकालाई नसुहाउने बताउनु हुन्छ । यो घटनाबाट के पनि सिक्न जरुरी छ भने ज्वरो आउने बितिक्कै सबैलाई कोरोना भएकै होला भन्नु जरुरी हुँदैन । आफुलाई कुनै पनि प्रकारको समस्या हुँदा पहिलो चरणमै डाक्टरसँग परामर्श लिनेतर्फ ध्यान गर्नु उचित हुन्छ ।