जनकपुर,जेठ १३ गते गते । प्रदेश नम्बर – २ मा कोरोना भाइरस संक्रमितको संख्या दिनानुदिन बढीरहेको छ । प्रत्येकदिन कारोना संक्रमित देख्न गरिएको स्वास्थ्यकर्मीहरुले बताएका छन् । २ सय ३२ जना प्रदेश २ को विभिन्न जिल्लामा संक्रमित भएका छन् । हुनत प्रदेश २ सरकारले रौतहटमा २१ जना महोेतरीमा २ जना र बारामा ३ जना कोरोना संक्रमितहरु थपिएका छन । योसंगै प्रदेशमा कोरोना संक्रमितको संख्या २६५ जना पुगेको जनाएको छ । प्रदेश सरकारले बताएपनि स्वास्थ्य मन्त्रालयले औपचारिक रुपमा जानकारी दिएको छैन ।
सोमबार मात्रै एकै दिन ५४ जना संक्रमित थपिएका छन् । स्वास्थ्य तथा जनसंख्या मन्त्रालयले सोमबार सार्वजनिक गरेको ७२ जना संक्रमितमध्ये ५४ जना प्रदेश २ कै छन् । सबैभन्दा बढी रौतहटमा थपिएका छन् । रौतहटमा २६ जना थपिंदा बारामा २३ जना थपिएका छन् । धनुषामा ३ जना र सप्तरीमा २ जना थपिएका छन् । सबैभन्दा बढी संक्रमित पर्सा जिल्लामा छन् । पर्सामा ९० जना, रौतहटमा ५२ जना, बारामा ३६ जना, सर्लाहीमा ३४ जना, धनुषामा ११ जना, महोत्तरी र सप्तरीमा ४र४ जना र सिरहामा १ जना संक्रमित देखापरेका छन् ।
संक्रमितमध्ये ५ जना यस प्रदेशका स्थायी बासिन्दा भए पनि काठमाडौंमै बस्दै आएका छन् । संक्रमितहरुको विभिन्न ठाउँको आइसोलेसनमा उपचार भइरहेको छ । प्रदेश २ मा संक्रमितको संख्या बढनुमा भारतवाट आएकाहरु नै बढी रहेको स्वास्थ्यकर्मीहरु वताउँछन् । कोही रोजगारीको क्रममा भारततर्फ गएका थिए भने अन्यकार्यका लागि भारत गएकोमा पनि कोरोना फैलिएको छ । बाहिरवाट आउनेमा कोरोना फैलिने खतरा हुँदापनि खुल्ला सीमानाका मोका छोपी अहिलेपनि भारततर्फबाट आएने क्रम जारी नै रहेको छ ।
जेठ ४ देखि १० गतेसम्ममा ६ सय २१ ज्ना धनुषा भित्रिएका जिल्ला प्रहरी कार्यालय धनुषाले जनाएको छ । ४ गते ६१ जना, ५ गते ६९ जना, ६ गते ३६ जना, ७ गते ८१ जना, ८ गते ६० जना, ९ गते २०७ जना, १० गते १ सय १३ जना नेपालीहरु उक्त नाकामार्फत भित्रिएका हुन् । रोजगारीका सिलसिलामा भारतका विभिन्न सहरमा रहेका २६ सय ४० जना पछिल्लो एक साता रौतहट भित्रिएका थिए । उनीहरु सबै स्थानीय तहको क्वारेन्टाइनमा रहेको रौतहटका प्रमुख जिल्ला अधिकारी बासुदेव घिमिरेले बताए । बीना जानकारीको ८ वटै जिल्लामा धेरै आएका छन् । बाहिरबाट आएकाहरुको खाजी गर्न कुनै निकाय गम्भीर देखिएका छैनन् । राज्य नै गम्भीर छैनन भने कसले के गर्छन चैम्बर अफ कर्मश जनकपुरधामका यपाध्यक्ष सरोज मिश्रले बताए ।
संक्रमितमध्ये वीरगञ्जबाट सोमबारसम्म ७२ जना कोरोना संक्रमित निको भएर घर फर्किसकेका छन् । यसअघि आइतबार राति एकै परिवारका १८ जना संक्रमित कोरोना निको भएर घर फर्किएका थिए भने जेठ १० गते ९ जना संक्रमित डिस्चार्ज भएका थिए । जसमध्ये दुई जना पुनः संक्रमण देखा परेर भर्ना भएका व्यक्ति थिए । यस्तै वैशाख १४ गते ४ जना संक्रमित डिस्चार्ज भएका थिए । तर दुई जनामा पुनः संक्रमण देखिएपछि अस्पताल भर्ना भएको सामाजिक विकास मन्त्रालयले जनाएको छ ।
भारतबाट ६ हजारभन्दा बढी आए
भारतबाट एक सातामै प्रदेश २ का जिल्लामा साढे ६ हजार भन्दा धेरै मानिस आएका छन् । जेठ ६ देखि १२ गतेसम्म प्रदेश २ मा ६ हजार ७ सय १३ जना मानिस भारतबाट आएका प्रदेशको सामाजिक विकास मन्त्रालयले जनाएको छ । यी मानिसहरुलाई राख्न एक सातामा थप ७८ क्वारेन्टाइन थपिएको छ ।
मन्त्रालयका अनुसार ६ जेठसम्म २ सय वटा क्वारेन्टाइनमा ६ हजार ७ सय १० बेड भएकामा १२ जेठसम्म २ सय ७८ क्वारेन्टाइनमा १४ हजार २ सय ३२ बेड संख्या पुर्याइएको छ । ६ जेठसम्म क्वारेन्टाइनमा ३ हजार ९ सय ८४ जना रहेकामा १२ जेठसम्म १० हजार ६ सय ८७ जना पुगेका छन् । प्रदेश २ मा अधिकांश क्वारेन्टाइन सामुदायिक विद्यालयमा बनाइएको छ ।
जनकपुरधाम उप महानगरपालिकाले अघिल्लो हप्ता गोपाल दास धर्मशालालाई क्वारेन्टाइन बनायो । ५० बेड क्षमताको उक्त क्वारेन्टाइनमा बस्नेको संख्या अहिले ७५ पुगेको छ । भारतबाट आउनेको संख्या ह्वात्तै बढेपछि हप्ता दिनमै क्वारेन्टाइन भरिभराउ बनेको छ ।
भारतबाट धमाधम मानिसहरु स्वदेश फर्किन थालेपछि उपमहानगरपालिकाले मंगलबारदेखि वडा नम्बर २० को बसहियामा अर्काे क्वारेन्टाइन सञ्चालनको तयारी गरेको प्रमुख प्रशासकीय अधिकृत गोपाल रेग्मीले जानकारी दिए ।
सप्तरीको सीमावर्ती बलान बिहुल गाउँपालिकामा पछिल्लो हप्ता भारतबाट १ सय ५१ जना आएका छन् । लकडाउन अवधीभर १ सय ८५ जना आए पनि ३२ जना परीक्षणपछि घर गइसकेको गाउँपालिका अध्यक्ष दयानन्द गोइत बताउँछन् ।
कोरोना संक्रमणबाट बच्न २०७६ चैत ११ गतेबाट लकडाउन सुरु भएदेखि नै सीमामा व्यापक मात्रामा सुरक्षाकर्मी खटाएर आवतजावतमा रोक लगाइएको थियो । तर गएको ४ जेठदेखि सीमानाका खुकुलो बनाएसँगै प्रदेश २ का आठ वटै जिल्लामा भारतबाट भित्रिनेको संख्या अत्यधिक बढेको छ । अहिले एउटा जिल्लामा दैनिक ५० जनाको हाराहारीमा मानिस भारतबाट आइरहेका छन् ।
जेठ ६ गतेसम्म प्रदेश २ मा ६ हजार ७ सय १० बेड भएको २ सय क्वारेन्टाइन थियो र त्यहाँ ३ हजार ९ सय ८४ जना मानिसलाई राखिएको थियो । जेठ १२ गते सोमबारसम्ममा क्वारेन्टाइन बेड संख्या १४ हजार २ सय ३२ पुग्यो भने त्यहाँ १० हजार ६ सय ९७ जना बसेका छन् । क्वारेन्टाइन नथप्ने जिल्ला सर्लाही र बारा मात्रै छन् । सर्लाहीमा ३९ र बारामा १७ वटा क्वारेन्टाइन रहेको छ । सरकारी तथ्यांक बाहेकपनि निकै संख्यामा भारतवाट धेरैजना नेपाल भित्रिएका छन ।
