काठमाडौं , जेठ ११ गते आइतबार । कोरोना भाइरस संक्रमितको संख्या ६ सय ३ पुगेको छ । आज आइतबार मात्र १९ जना नयाँ संक्रमित थपिएको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले जानकारी दिनु भयो ।
संक्रमित पाँच सय २४ जना पुरुष र ७९ जना महिला रहेको उनले जानकारी दिए ।
देशका ७७ वटा जिल्लामध्ये ४२ जिल्लामा कोरोना भाइरसको संक्रमण फैलिएको छ । आइतबार नुवाकोटमा संक्रमित भेटिएसँगै संख्या बढेको स्वास्थ्य मन्त्रालयले जनाएको छ ।
प्रदेश १ मा ८६, प्रदेश २ मा एक सय ७९, बागमती प्रदेशमा ३४, गण्डकी प्रदेशमा पाँच, प्रदेश ५ मा दुई सय ८१, कर्णाली प्रदेशमा चारजना र सुदूरपश्चिम प्रदेशमा १४ जना कोरोनाबाट संक्रमित भएका छन् ।
अहिलेसम्म काेराेना संक्रमणपछि निकाे भएर ८७ जना डिस्चार्ज भएकाे मन्त्रालयले जनाएकाे छ ।
देश भर पिसिआर बिधीबाट ४८ हजार ८ सय १५ जनाकाे परीक्षण गरिएकाे र आरडिटी विधीबाट ९० हजार २६ जनाकाे परीक्षण गरेकाे प्रवक्ता डा. देवकाेटाले जानकारी दिए ।
९० हजार २६ जनाको कोरोना परीक्षण गरिएको स्वास्थ्य मन्त्रालयले जनाएको छ । हाल देशभर ३९ हजार आठ सय चारजना क्वारेन्टाइनमा रहेका छन् ।
