चिनी भित्र लुकाएको ९ लाखसहित भारतीय नागरिक पक्राउ

जन प्रभाब-सम्बादाता / २०७७ जेठ १० गते सनिवार.

लहान । आज शनिवार सप्तरी प्रहरीले नौ लाख नेपाली रूपैयाँसहित एक भारतीय नागरिक पक्राउ गरेको छ । पक्राउ पर्नेमा भारतको सुपौल जिल्ला अन्तर्गत बथनाहा ग्राम पञ्चायत वडा नंं. १७ निवासी फुलकुमार मेहता रहेका छन् । 
लकडाउनको उल्लङ्घन गर्दै झोलामा दुई केजी चिनी भित्र लुकाएर ल्याउँदै गरेको नगदसहित मेहता पक्राउ परेका हुन् । जिल्ला प्रहरी कार्यालय सप्तरीका प्रहरी नायब निरीक्षक (डिएसपी ) तथा सूचना अधिकारी तिलक भारतीका अनुसार उनलाई  सप्तरीको हनुमाननगर कंकालिनी नगरपालिका वडा नं.१४ बाट  नियन्त्रणमा लिइएको हो । मेहता नियन्त्रणमा लिएर थप अनुसन्धान भइरहेको डिएसपी भारतीले जानकारी दिनु भयो   ।