सत्यनारायण यादव लहान , जेठ १० गते सनिवार । इतिहासमा पनि हामी मधेसी भारतका होइनौं। हामी मिथिला बासी थियौं। नेपाल एकीकरण पछि नेपाली भयौं। आज सम्म नेपाली हौँ र भबिस्यमा पनि रहिरहने छौं। हामी भारत बाट पनि आएको होइन,बर्मा,भुटान,सिक्किम र तिब्बत बाट पनि आएको होइनौं। हाम्रो पू्र्खा देखि हाल सम्म राष्ट्रिय अखण्डतालाई कायम राख्न लडेका छ्न। आज पनि आवश्यकता पर्दा लड्न तयार छौँ। हाम्रो इतिहास मेटाउने काम भएको छ।तर पनि हामी बिचलित भएका छैनौं।पृथ्वीनारायण शाह पछीका शासकहरुले हामीलाई कमजोर बनाएको छ।हाम्रो भेषभुषा,भाषा र संस्कृति उपर प्रहार भएको छ।तर पनि हामी हाम्रो राष्ट्रियता प्रति गर्व गर्छौ।हाम्रो भुभाग शाह बंश का राजाहरु र जहाँनिया शासनकालमा राणाहरुले आफ्नो आफ्नो शासन सत्ता बचाइ राख्न इष्टईन्डिया कम्पनीलाई भेटी चढाए।त्यस पछी पनि कुनै शासनकाल मा त्यो भुभागको बारेमा कसैले आवाज उठाएका छैन।कुमाउगढ्वाल र सिक्किमको कुरा आउँछ तर गंगा तट सम्मको भुभाग बारे कोही बोलेको सुनिदैन।त्यो किन होला? यसको जवाफ छ कसै संग? तथापि फेरि पनि राष्ट्रियता,राष्ट्रिय अखण्डता र राष्ट्रिय अस्मिताको लागी लड्नु पर्यो भने हामी छाती खोलेर शत्रु संग लडन तयार छौ।शत्रुको सेना संग समर्पण गर्दैनौं।हामी हाम्रो सिमाना सुरक्षा गर्न जस्तोसुकै बलिदान गर्न तयार छौ।

त्यसैले हाम्रो भूगोल र हावापानीको कारण कसै संग भेषभुषा,भाषा,संस्कृति र छालाको रंग मिल्दैन होला।त्यसमा हाम्रो दोष कहिकतै छैन।किनभने प्रकृतिले बनाएको हो।दुनियाँका हरेक देशको भूगोल भित्र अनेक भेषभुषा,भाषा र संस्कृतिका मान्छे बसोबास गर्छ्रन।तर उसको अभिभावक हुन्छ राज्य!के हाम्रो राज्य हरेक भाषाभाषी र भूगोलमा बस्ने जनताको अभिभावक बन्न सकेको छ?लोकतन्त्र गणतन्त्र आए पनि जनता नागरिक बन्न सकेको छ? अवश्य छैन। आज पनि बिभेदहरु ज्युका त्यु छ।अझ पनि हामीलाई अल्पमतमा पार्न भारत,बर्मा,भुटान र तिब्बत बाट बसाई सराइ गरि आएकोलाई नेपाली नागरिकताको प्रमाणपत्र दिइदैछ।त्यसमा कसको र के स्वार्थ लुकेको छ?के यसले हाम्रो राष्ट्रियता कमजोर हुन्छ कि हुदैन?त्यसैले देशको संचार माध्यममा एउटा समुदाय माथी जसरी अपमानित हुने किसिमको क्रियाकलाप र सिरियल प्रशारण गरिदैछ।त्यो कुनै माने मा जायज छैन। जसले गर्दा हाम्रो राष्ट्रिय एकता कमजोर हुन्छ।त्यो राज्यको नजरमा अपराध हो।र राज्यले अबिलम्ब कारबाहीको भागी बनाउनु पर्छ।अनि मात्रै राष्ट्रिय एकता बलियो हुनसक्छ। हामी पनि हाम्रो राष्ट्रिय एकता सुदृढ र बलियो भएको हेर्न चाहन्छौ।हामीलाई पनि देशको मुलधारमा राखेको छ भनी अनुभुती गर्न चाहन्छौ।अब यो बिभेदको अन्त्य भएको हेर्न चाहन्छौ।
जय देश,जय स्वाभिमान!