लहान,जेठ ८ गते । सप्तरी जिल्लाकाे बाेदे बरसाईन नगरपालिकामा करेन्ट लागेर विहिवार एक जनाकाे ज्यान गएको छ । हाेल्डरमा वत्ति लगाउने क्रममा वडा नम्बर ९ कि ४० वर्षिया मिरकुन सदायकाे करेन्ट लागेर ज्यान गएको हाे। करेन्ट लागेर गम्भीर घाइते भएकी सदायकाे उपचारकाे लागि बाेदे बरसाईन बजारस्थित जिवन दिप हस्पिटल ल्याउने क्रममा मृत्यु भएको परिवारजनले जनाएको छ ।
यसअघि मंगलबार र बुधबार पनि डाक्नेश्वरी तथा खडक नगरपालिकामा एक-एक जनाकाे करेन्ट लागेर ज्यान गएको थियोे ।
डाक्नेश्वरी-१० मा ३५ वर्षिय रन्जित कुमार साह र खडक-३ मा २२ वर्षिया बबिता कुमारी मण्डलकाे करेन्ट लागेर ज्यान गएको हाे। साहलाई घरमा माेटर जडान गर्ने बेला करेन्ट लागेको थियो भने खेतमा घाँस काटिरहेकीकाे बेला मण्डललाई करेन्ट लागेको जनाएको छ ।
