पडरिया कोरेन्टाईनबाट आठ भारतीय डिस्चार्ज

दिनेश्वर गुप्ता
लहान, ७ जेठ । सिरहाको लहान १२ पडरियामा रहेको कोरेन्टाइनबाट जेठ ६ गते ८ जनालाई डिस्चार्ज गरेको छ ।
लहान नगरपालिका स्वास्थ्य शाखाका अधिकृत रामसुन्दर यादवका अनुसार स्वाब टेष्ट परीक्षणमा नेगेटिभ आएपछि ८ भारतीय नागरिकलाई लहानबाट डिस्चार्ज गरिएको छ । उनीहरुलाई ठाडीसम्म पुर्याइदिएको यादवले बताएका छन् ।
लहानको पडरिया कोरेन्टाइनबाट २५ जनाको स्वाब परीक्षणको लागि पठाएकोमा २१ जनाको कोरोना नेगेटिभ रिर्पोट आएको छ । ४ जनाको रिर्पोट आउँन बाँकी रहेको छ । जसमा १० जनाको आरडिटी गराएको थियो ।
पडरियामा ३० वेड रहेको छ भने जेएसमुब क्याम्पस लहानमा १५० बेड क्षमताको कोरेन्टाइन संचालन रहेको छ । करिब एक महिनादेखि पडरियामा कोरेन्टाइन संचालन रहेको छ भने त्यसमा दूई दूई स्वास्थ्यकर्मी गरी २४ घण्टै ड्युटी रहेको छ ।
जेएसमुब क्याम्पस लहानमा पाँच स्वास्थ्यकर्मी र एक टिम लिडरको व्यवस्था गरिएको छ । क्याम्पसमा जेठ ५ गतेदेखि कोरेन्टाइन संचालनमा आएको छ भने यसको व्यवस्थापनको लागि लहान, धनगढीमाई र सुखिपुर नगरपालिकाले सहयोग गर्दै आएको छ ।
कोरेन्टाइनमा विहानको चिया नास्ता, दिउँसो सादा खाना, बेलुका चिया नास्ता र रात्री खानाको व्यवस्था गरिएको छ । क्याम्पसको कोरेन्टाइनमा बेड संख्या दूई सयसम्म पुर्याउँने व्यवस्था भइरहेको छ ।
अधिकृत यादवले ‘कोरेन्टाइन व्यवस्थित छ ।’ ‘आशंका लागेका व्यक्तिलाई यहाँ पठाउँदा कोरोना जाँचमा सजिलो हुन्छ ।’ तर, यस्ता व्यक्तिलाई ल्याउँन समाजिक अगुवाहरु सक्रिय हुनुपर्छ ।’ ‘हामी यस्ता व्यक्तिको खोजखबर गरिरहेको छु ।’ सिरहा जिल्लामा अब लोकमार्ग अन्तरगत तीन र हुलाकीराजमार्ग अन्तरगत तीन गरी ६ कोरेन्टाइन संचालन गर्ने तयारीमा जुटेको छ ।
सिरहा जिल्लाबाट स्वाब परीक्षणको लागि पठाएको ७२ व्यक्तिमा कोरोना नेगेटिभ छ । एक जनामा पोजेटिभ देखिएको छ । लहानको चार जनाको रिर्पोट आउँन बाँकी रहेको छ ।