काठमाडौं , जेठ ६ गते । सरकारको प्रमुख प्रतिपक्षी दल नेपाली कांग्रेसका उपसभापति विमलेन्द्र निधिले आइतबार काठमाडौंको कालिमाटीमा एक जना सर्वसाधारणमाथि दुर्व्यवहार गर्ने नेपाली सेनाका जवानलाई कारवाही गर्न माग गरेका छन्।
पूर्व गृहमन्त्रीसमेत रहेका निधिले ट्वीट गर्दै घटनाको भर्त्सना गर्दै कारवाहीको माग गरेका हुन्।
अस्पतालमा विरामी रहेकी श्रीमतीका लागि रगत लिन जाँदै गरेका पूर्व शिक्षक घनश्याम झामाथि सेनाका जवानले दुर्व्यहार गरेका थिए। सेनाको जस्तो सर्ट लगाएको भन्दै झामाथि दुर्व्यवहार भएको हो।
उपसभापति निधिले उक्त घटना निन्दनीय र दण्डनीय रहेको बताउँदै प्रधानमन्त्री, गृहमन्त्री, रक्षामन्त्री र प्रधानसेनापतिको ध्यानाकर्षण गराएका छन्।
