जनकपुर , जेठ ५ गते सोमबार । प्रदेश २ को रौतहट जिल्लामा ८ र बारा जिल्लामा १ गरी थप ९ जनामा कोरोना संक्रमण फेला परेको छ । यो संगै नेपालमा कोरोना संक्रमितको संख्या ३ सय ४ पुगेको छ ।
स्वास्थ्य तथा जनसंख्या मन्त्रालयले सोमबार बिहान पौने ९ बजे गरेको पुष्टि अनुसार रौतहटको इशानाथ नगरपालिका २,३,६ र ९ का २१,२१,२३,२५,२५२९ र ३० वर्ष उमेर समुहका पुरुषहरु र रौतहटकै माधवनारायण नगरपालिका ३ की २८ वर्षीया महिला छन् ।
यस्तै बाराको करैयामाई नगरपालिका ५ निवासी ३८ वर्षीय पुरुष रहेको स्वास्थ्य तथा जनसंख्या मन्त्रालयले पुष्टि गरेको छ ।
