वीरगञ्ज,बैशाख २६ गते । पर्सा जिल्लाको क्षेत्र नम्वर -३ का प्रतिनिधिसभामा निर्वाचित सदस्य हरिनारायण रौनियार नागरिकका समस्या बुझ्न आफ्नो क्षेत्र अन्तर्गतको सखुवा प्रसौनी र पटेर्वा सुगौलीका विभिन्न गाउँगाउँ पुग्नुभएको छ ।
सांसद रौनियारले लक डाउनका बेला पनि आफ्नो क्षेत्रको नागरिक कुनै पनि समस्यामा नपरुन भनेर उनीहरुको अवस्था बुझ्न घरघर पुग्नुभएको हो ।
सखुवा प्रसौनीको वडा नम्वर १, २, ३ का साथै पटेर्वा सुगौलीको वडा नम्बर २ मा स्थानीयको घरघरमा पुगेर सांसद रौनियारले नागरिकका समस्या बुझ्नुका साथै कोरोनाको सचेतना बारेमा पनि छलफल गर्नुभयो ।
लकडाउनका कारण दैनिक ज्याला मजदुरी गर्ने श्रमिक तथा विपन्न परिवारलाई स्थानीय सरकारले वितरण गरेको राहतका बारेमा जानकारी लिनुका साथै समस्यामा परेका नागरिकलाई सहयोग गर्न पनि उहाँले स्थानीय पालिकाका प्रमुखहरुलाई निर्देशन पनि दिनुभयो ।
सांसद रौनियारसँगै सखुवा प्रसौनि गाउँपालिकाका अध्यक्ष प्रदीप जयसवाल, पटेर्वा सुगौली गाउँपालिकाका अध्यक्ष हरिनारायण चौधरी, उपाध्यक्ष ममता चौधरी लगायतको सहभागिता रहेको थियो ।
फेसबुकबाट तपाईको प्रतिक्रिया !