एक्सनमा एसपी चतुर्बेदी : सिमेन्ट कालोबजारी गर्ने पसल संचालक पक्राउ

जन प्रभाब / २०७७ बैशाख २४ गते.


सिरहा । सिरहाको मिर्चैया नगरपालिकामा निर्धारीत मुल्यभन्दा बढीमा सिमेन्ट बेच्ने एक जनालाई प्रहरीले नियन्त्रणमा लिएको हो ।
गोप्य सूचनाको आधारमा जिल्ला प्रहरी कार्यालय सिरहा मातहत ईलाका प्रहरी कार्यालय मिर्चैयाबाट खटेको टोलीले मिर्चैया नगरपालिका वडा नं. ५ स्थित रहेको भाग्य विधाता आयरण स्टोर्सका संचालक राजकुमार मगरलाई १० बोरा सिमेन्ट सहित प्रहरीले नियन्त्रणमा लिएको जिल्ला प्रहरी कार्यालय सिरहाका प्रमुख एसपी उमा प्रसाद चतुर्बेदीले जानकारी दिनु भयो ।
एसपी चतुर्बेदीका अनुसार भाग्य विधाता आयरण स्टोर्सका संचालक राजकुमार मगरले मिर्चैया नगरपालिका वडा नं. ७ बस्ने टिकाराम पोखरेललाई बिक्री गरि सो सिमेन्ट स. १ ह. २७७९ नं. को टेम्पूमा लोड गरेको अवस्थामा फेला परेको हो ।

उक्त सिमेन्टको बिल माग गर्दा संचालक मगरले उक्त सिमेन्ट प्रतिबोरा रु.८ सयको दरले बिक्री गरेको हो । उक्त सिमेन्ट टिकाराम पोखरेलले राजकुमार मगरसंग प्रतिबोरा ८ सय ७० को दरले कुरा मिलाई ८ सयको दरले बिल रसिद काटिएको हो ।

बरामद गरेको सिमेन्ट भाग्य विधाता आयरण स्टोर्स संचालक मगरले यहि बैशाख २१ गते रातीको समयमा जनकपुरको व्यपारी राजकुमार जैन संग प्रतिबोरा ७ सय ६० को दरले जम्मा ३५० बोरा सिमेन्ट खरिद गरेको पाइएकाे छ। त्यस मध्ये १० बोरा सिमेन्ट टिकाराम पोखरेललाई बिक्री गरेको र बाँकी ३४० बोरा सिमेन्ट  स्टोर्समा रहेकोले बरामद सिमेन्ट १० बोरा ईलाका प्रहरी कार्यालय मिर्चैयामा सुरक्षित राखी तथा बाँकी रहेको ३४० बोरा सिमेन्ट सहित पसलमा  सिल गरेको प्रहरीले बताएकाे छ ।

मिर्चैया नगरपालिकामा खाद्यान्न समाग्रिको मूल्य पनि अकासिएको बेला निर्माण सामाग्री व्यवसायहरुको यस्तो किसिमको क्रियाकलालाई निरुत्साहित पार्नु प्रशासनको सराहनिय कार्य रहेको व्यापार संघ मिर्चैयाका अध्यक्ष हरिशंकर साहले बताए ।