जन प्रभाब-सम्बादाता / २०७७ बैशाख २० गते .


-आलोक यादव
जनकपुरधाम । सरकारले लकडाउन घोषणा गरेको एक महिना भन्दा बढी भएको छ। व्यापारी, औद्योगिक, कृषि लगायत क्षेत्र प्रभावित भएका छन् । कृषि क्षेत्र पनि प्रभावित भएको छ। सरकारले मानिसलाई घरभित्रबाट ननिस्कनु भनेको छ। त्यसैले मानिस घर भित्र नै लकडाउन छन्।
२ नम्बर प्रदेश प्रहरी कार्यालय जनकपुरधामका प्रमुख डिआइजी धिरज प्रताप सिंहल भने कृषि क्षेत्रमा खटिने मानिसलाई कुनै रोकटोक नभएको बताएका छन्। खेतमा सामाजिक दुरी कायम गरेर सुरक्षित भए प्रहरीले केही नगर्ने बताउँछन्।

‘कृषकलाई खेती गर्ने रोकतोक छैन। सुरक्षित भएर काम गर्नलाई प्रहरीले सहजिकरण नै गर्छ,’ डिआइजी सिंहले भने।

त्यस्तै कृषि उत्पादनको बिक्री तथा ढुवानीमा पनि प्रहरीले नरोक्ने बताए। तर, सरकारले निश्चित समयमा मात्र अति आवश्यक तरकारी तथा फलफूल बिक्री गर्न दिएको छ। मानिसको भीड हुने तरकारी बजारलाई समेत रोक लगाएको छ।

त्यस्तै लकडाउनको समयमा धेरै विकास निर्माणका कामहरु पनि बन्द गएका छन्। निजी तथा सार्वजनिक भवन निर्माण पनि अन्योलमा छन्। ‘ठेकेदारले आफ्ना कामदारलाई सुरक्षित राखेर सामाजिक दूरी कायम गरि काम गर्दा हामी केही गर्दिनौं,’ डिआइजी सिंहले भने।