आलोक यादव जन प्रभाब / २०७७ बैशाख १८ गते .
सिरहा । लकडाउनलाई थप कडा पार्न गृह मन्त्रालयले मातहतका निकायलाई निर्देशन दिएसंगै सिरहाका प्रमुख जिल्ला अधिकारी सरोज कुमार गुरागाइले लकडाउनमा थप कडाई गरिने बताएका छन् । उहाँले भने जिल्लामा पास विनाका सबै सवारी साधनलाई आवतजावतमा पुर्ण रुपमा रोक लागाउने बताए ।
पासविना सवारी साधन संचालन गर्नाले लकडाउनको उल्लंघन हुने भन्दै आजदेखि थप कडाई गरिने तथा लकडाउनमा कडाई गदै अत्यावश्यक सेवा मात्र संचालन गर्न दिने प्रमुख जिल्ला अधिकारी गुरागाइकोे भनाई छ । पहिला पनि पास विना सवारी साधन आवतजावत गर्न दिएको थिएन्, आज देखि लकडाउनमा थप कडाई गर्ने उनले् बताए ।
गृह मन्त्रालयले विना पासका गाडी रोक्न निर्देशन दिईसकेको छ । मन्त्रालयले कोरोना भाइरस (कोभिड १९) को संक्रमण फैलिन नदिन लकडाउनमा कडाइ गर्न सुरक्षा निकाय र स्थानीय प्रशासनलाई परिपत्र गरेको थियो ।
लकडाउन खुकुलो भएको गुनासो बढेपछि गृह मन्त्रालयले सोमबार सुरक्षा निकाय र स्थानीय ७७ वटै जिल्लाका प्रशासन कार्यालयलाई परिपत्र गदै पास विनाका सवारी साधन आवतजावतमा पुर्ण रुपमा रोक लगाउने निर्देशन पच्यात सिरहा जिल्लामा समेत विना पासका सवारी साधनलाई आवतजावतमा रोक लगाएको छ ।
अत्यावश्यक काम बाहेक बाहिर निस्कन समेत रोक लगाएको जिल्ला प्रहरी कार्यालय सिरहाका प्रमुख एसपी उमा प्रसाद चतुर्बेदीले जानकारी दिनु भयो । प्रहरी उपरिक्षक चतुर्बेदीले भने, पास विनाका सबै सवारी साधन संचालनमा रोक निर्देशन भएको छ । सोही अनुसार लकडाउनमा कडाई गरिने तथा उहाँले अत्यावश्यक काम बाहेक बाहिर ननिस्कन आग्रह समेत गर्नुभएको छ । लकडाउनको उल्लंघन भए कारवाहीको दायरामा ल्याउने प्रशासनले जनाएको छ ।
सशस्त्र प्रहरी बल नेपाल हेडक्वार्टर ७ नम्बर गण सिरहाका प्रमुख एसपी प्रविण कँडेल
सिरहामा लकडाउनको समयमा सशस्त्र प्रहरी बलले सीमा नाकामा उच्च निगरानी बढाएको छ । यतिबेला सीमा क्षेत्रका दुबै देशको नागरिकहरुलाई आवतजावतमा पूर्णरुपमा रोक लगाइएको छ ।
सिरहा जिल्ला छिमेकी राष्ट्र भारतको जिल्ला मधुबनीसँग जोडिएको करिब ४७ किलोमिटरको नाकामा ठाउँ ठाउँमा पाल टाँगेर अस्थायी पोष्ट स्थापना गरी ब्यापकरुपमा सुरक्षाकर्मी परिचालन गरिएको सशस्त्र प्रहरी बल नेपाल हेडक्वार्टर ७ नम्बर गण सिरहाका प्रमुख एसपी प्रविण कँडेलले जानकारी दिए । ।
विश्वव्यापी रुपमा फैलिएको कोरोना भाइरस रोकथाम तथा नियन्त्रणका गर्दै यति बेला देश जोगाउनको लागि बैशाखको चर्को घामको सामना गर्दै सुरक्षाकर्मीहरु २४ घन्टा खटिएको पाइएको छ ।
भारतबाट कोरोना भाइरस संक्रमित व्यक्ति नेपाल छिर्न नपाउन् भनेर उनीहरु सीमामा आफ्नै स्वास्थ्य अवस्थाको प्रवाह नगरी आम जनतालाई सुरक्षित राख्न अहोरात्र सीमामा खटिएको सशस्त्र प्रहरी बोर्डर आउट पोष्ट झाझपट्टिका सशस्त्र प्रहरी निरीक्षक कंचन थापाले बताए ।
सशस्त्र प्रहरी बल नेपाल हेडक्वार्टर ७ नम्बर गण सिरहाको मातहतमा करिब ४७ किलोमिटरको सीमामा करिब ५ सय ५० सुरक्षाकर्मी परिचालन गरी विशेष निगरानी बढाउनुको साथै लकडाउनको अवज्ञा गर्ने दुबै देशका मानिसहरुलाई कडाई गरी सीमा नाका ठप्प पारिएको सशस्त्र प्रहरी बल नेपाल हेडक्वार्टर ७ नम्बर गण सिरहाका सूचना अधिकारी तथा डिएसपी प्रेमबहादुर रावलले बताए ।
