जन प्रभाब-२०७७ बैशाख १२ गते !

काठमाण्डौ । बाँके जिल्लाको क्षेत्र नं. १ का संघीय सांसद महेश्वर गहतराज अथकको पहलमा काठमाण्डौ र पोखरामा अलपत्र परेका बाँके, बर्दियाका सँयौ मानिस जिल्लामा फिर्ता भएका छन् । कोरोना भाईरस कोभिड १९ को लामो लकडाउमा फसेका विद्यार्थी, मजदुरलाई बसको व्यवस्था गरेपछि जिल्ला फर्केका हुन् ।

काठमाण्डौबाट बसबाट ६० जना र पोखरा कास्कीबाट बसमार्फत विद्यार्थी, कामदार मजदुरहरु ४५ जना बाँके, बर्दिया जिल्ला पठाईएको सासंद अथकले जानकारी दिन भयो । उनीहरु बसमार्फत फिर्ता भएका हुन् । लकडाउन लम्विदै जाँदा एकपछि अर्को समस्या ग्रस्त,उकुसमुकुस र अलपत्र हुदै गएका मजदुर र विद्यार्थीलाई बसको व्यवस्था गरि पठाएको उनको भनाई छ । काठमाण्डौंबाट फिर्ता भएका सबै विद्यार्थी रहेको र पोखराबाट फिर्ता भएका मजदुरहरु बाँके, बर्दिया र दाङका समेत रहेको अथकले भने । फिर्ता भएका १०५ जनालाई जिल्लामा पुगेपछि सम्बन्धीत वडा कार्यालय वा प्रहरी चौकीमा सम्पर्क गरि स्वास्थ्य कार्यालयको सम्पर्क रहन उनले आग्रह गरेका छन् । स्थानीय निकायले आवश्यक ठाने स्थानीय वारेन्टाईमा बस्न समेत उनले आग्रह गरे ।

यस्तै उनले घर फर्केर कृषि पेशमा लाग्न पनि सुझाव दिए । १०५ जनालाई बाँके, बर्दियामा फिर्ता गराउन बस तथा अन्य समन्वय गर्न बाँके–काठमान्डौं सम्पर्क मञ्चका अध्यक्ष दिलीप सोनी,उपाध्यक्ष कलिमान खत्री कास्कीका प्रमुख जिल्ला अधिकारी ,सहायक प्रमुख जिल्ला अधिकारी र सरोज बर्तौला, बावुराम दवाडीले सहयो गरेका थिए ।