एक्सनमा एसपी चतुर्बेदी- २८ वटा सवारी साधन नियन्त्रण

प्रकाशित मिति – २०७६ चैत २५ गते सिरहा । जिल्ला प्रहरी कार्यालय सिरहाले तेश्रो चरणको लकडाउनलाई प्रभावकारी बनाउन थप कडाई गरेको छ ।

कोरोना भाइरसबाट भयावह स्थिती आउन सक्ने भन्दै चैत ११ गतेदेखि सरकारले देशभर लकडाउन घोषणा गरेको हो । तेश्रो चरणको लकडाउन आज (मंगलबार) राती १२ बजेदेखि लागु हुँदैछ ।

यसअघिको दुई चरणको लकडाउन केही खुकुलो देखिएपछि स्थानीय प्रशासनले सिरहामा तेश्रो चरणको लकडाउनलाई थप कडाईका साथ कार्यान्वयन गर्ने योजना बनाएको सिरहा प्रहरी प्रमुख एसपी उमा प्रसाद चतुर्बेदीले जानकारी दिए ।

सवारीसाधन चलाएर सरकारको निर्देशनलाई पालना नगरी लकडाउनको उल्लंघन गरेको भन्दै प्रहरीले सिरहा जिल्लाका विभिन्न स्थानहरुबाट मो.सा. २५ वटा, एम्बुलेन्स १, ट्रयाक्टर १ र ट्रक १ गरी जम्मा २८ वटा सवारी साधनलाई आवश्यक कार्वाहीको लागी नियन्त्रणमा लिएको छ ।
जिल्ला प्रहरी कार्यालय सिरहाका प्रवक्ता प्रहरी नायव उपरिक्षक नवीन घिमिरेले सरकारले देशभर लकडाउन गरेको तेश्रो चरणको अवस्थामा पनि केहि व्यक्तिले निर्देशनको पालना नगरि अटेर गरेकाले उनीहरूलाई सवारी साधनसहित नियन्त्रणमा लिइएको बताए ।