सिरहा । एसपी उमा प्रसाद चतुर्बेदीले लागुऔषध दुव्यर्सनी स्वस्थ, सभ्य र अपराधमुक्त समाज निर्माणको बाधक बन्न पुगेको बताउनुभएको छ । समृद्ध राष्ट्र निर्माणका लागि लागुऔषधरहित स्वस्थ्य जीवन भन्ने मूल नाराका साथ जिल्ला प्रहरी कार्यालय सिरहाले आज यहाँ आयोजना गरेको ‘लागुऔषध दुरुपयोग तथा ओसारपसारविरुद्धको अन्तर्राष्ट्रिय दिवस’का अवसरमा उहाँले समृद्ध नेपाल, सुखी नेपाली’को बाधक बन्नका लागि लागुऔषध दुव्यर्सनलाई रोक्नुपर्ने बताउनुभयो ।

“शान्ति सुरक्षा र अपराधको चुनौतीको रूपमा लागुऔषध रहेको छ, यसलाई नियन्त्रण गर्न सरकारी र गैरसरकारी संस्थाको उत्तिकै दायित्व छ”, उहाँले भन्नुभयो । लागुऔषध दुव्यर्सनी रोकथामका लागि तीनै तहको सरकारले नीति बनाएर अगाडि बढ्नुपर्ने उहाँको भनाइ थियो । सिरहा नगरपालिका १७ स्थित भन्सार कार्यालय अगाडी बाट लागू औषध दुरुपयोग तथा ओसार पोसार विरुद्धमा अन्तर्राष्ट्रिय दिवस (२६जुन) सप्ताह व्यापी कार्यक्रम अन्तर्गत जिल्ला प्रसाशन कार्यालय सिरहा र जिल्ला प्रहरी कार्यालय सिरहाको संयुक्त आयोजनामा प्र.जि.अ.गोपाल प्रसाद अधिकारी ज्युको प्रमुख आतिथ्यमा,जिल्ला प्रहरी कार्यलयका प्रमुख प्र.उ. उमा प्रसाद चतुर्बेदी ज्यु को उपस्थितीमा जनचेतना मुलक प्ले कार्ड ब्यानर सहित बिभिन्न बिधालयका शिक्षक/बिधार्थी, पत्रकार, स्थानिय निकायका पदाधिकारी,स्थानिय युवा,भद्रभलादमी तथा बुद्धिजिवि नेपाल प्रहरी, ससस्त्र प्रहरी वल समेत गरी जम्मा अं.१५००/१६०० जनाको संख्यामा लागुऔषध ओसार-पोसार र वर्तमान अवस्था तथा असरको वारेमा जानकारी दिनु भयको।
संयुक्त राष्ट्रसङ्घ महासभाबाट पारित भई विश्वभर ‘लागुऔषध दुरुपयोग तथा ओसारपसारविरुद्धको अन्तर्राष्ट्रिय दिवस’ मनाउन थालिएअनुसार नेपालमा पनि जुन २६ मा उक्त दिवस मनाउँदै आइएको हो ।