जनताको सेवामा समर्पित प्रहरीको सुरक्षासँगै जनतामा सचेतना फैलाउन मास्क तयारगर्दै ; एसपी चतुर्बेदी

सिरहा चैत १० गते । नेपाल प्रहरीले कोभिड–१९ (कोरोना भाइरस) को सम्भावित जोखिमलाई ध्यान दिँदै मास्क उत्पादन गरी वितरण गरेको छ ।

जिल्ला प्रहरी कार्यालय सिरहाबाट तयार गरिएको माक्स हिरासतमा रहेका सम्पूर्ण थुनुवालाई वितरण गरिएको हो । सो भाइरसको जोखिमबाट बच्नका लागि आफ्नै कार्यालयभित्र मास्क तयार गरेर वितरण गरेको प्रहरी उपरीक्षक उमा प्रसाद चतुर्बेदीले जानकारी दिनुभयो ।

जिल्ला प्रहरी कार्यालय मातहतका ईलाका प्रहरी कार्यालय र प्रहरी चौकीमा कार्यरत सम्पूर्ण प्रहरीलाई मास्क वितरण गरिएको थियो । जिल्ला प्रहरी कार्यालय सिरहाबाट निर्देशित नमूनाबमोजिमको ढाँचामा मास्क तयार गरी वितरण गरिएको एसपी चतुर्बेदीले बताउनुभयो ।

“जनताको सेवामा समर्पित प्रहरीको सुरक्षासँगै जनतामा सचेतना फैलाउन मास्क तयार गरी दिएका हौँ”, प्रहरी उपरीक्षक चतुर्बेदीले भन्नुभयो, “यसैगरी प्रत्येक प्रहरी कार्यालयको मूलढोका अगाडि हात धुने व्यवस्था पनि गरेका छौँ ।”

कार्यालयमा सेवा लिन जाने सेवाग्राहीलाई अनिवार्य मास्क लगाउन र डिटाेल साबुन पानीले हात धोएर मात्र प्रवेश गराउन प्रहरी कार्यालयको ढोका अगाडि साबुन र पानी राखिएको छ ।