भारतीय ‘जनता कर्फ्यू’को असर सिरहा जिल्ला भरीका सबै नाका ठप्पभारतीय ‘जनता कर्फ्यू’को असर सिरहा जिल्ला भरीका सबै नाका ठप्प

लहान चैत ९ गते । भारतमा कोरोना भाइरसको संक्रमणबाट जोगिन त्यहाँको सरकारले आइतबार आह्वान गरेको जनता कर्फ्यूको प्रत्यक्ष असर माडर र ठाडि नाकामा परेको छ । कोरोना भाइरस फैलिन नदिन भन्दै भारत सरकारले आइतबार आफ्नो देशमा जनता कर्फ्यू लगाएर सिरहा जिल्ला माडर ठाडि लगायतका नाकाहरु पनि पूर्ण रुपमा बन्द हुँदा त्यसको प्रत्यक्ष असर माडर नाकामा पनि परेको हो ।

भारतमा तीब्र गतिमा बढ्दै गइरहेको कोरोनाको संक्रमणसँग जुध्ने भन्दै भारतका प्रधानमन्त्री नरेन्द्र मोदीको आह्वानमा आइतबार भारतमा जनता कर्फ्यू लगाइएको हो । आइतबार बिहान ६ देखि राती ९ बजेसम्म घर बाहिर ननिस्कन त्यहाँको सरकारले जनतामा अपिल गरेको छ ।

योसँगै भारतले नेपालसँग जोडिएका नाका पनि बन्द गरेका कारण त्यसको प्रत्यक्ष असर माडर नाकामा पनि परेको हो। जनता कर्फ्यूमा भारतले नाका बन्द गरेका कारण माडर सिरहाका नाका आइतबार बिहानैदेखि ठप्प रहेको जिल्ला प्रहरी कार्यालय सिरहाका प्रमुख एसपी उमा प्रसाद चतुर्बेदीले जानकारी दिनु भयो । सिरहा , बरियारपट्टि र ठाडिबाट भारतको जयनगर जाने पैदल यात्री र सवारीसाधानलाई नेपाल प्रहरी , सशस्त्र प्रहरी बल र भारतीय सुरक्षाकर्मीले दशगजा क्षेत्रबाटै फर्काइ दिने गरेका छन् ।

लौकाहाबाट फाट्टफुट्ट संख्यामा नेपालतर्फ आउने खोज्ने भारतीयलाई पनि नेपाल प्रहरी, सशस्त्र प्रहरी बल र भारतीय सुरक्षाकर्मीले दशगजामै रोकीरहेका छन् । जसका कारण दिनहुँ १ हजार भन्दा बढी मानिस र करिब ४ सय भन्दा बढी सवारीसाधन आउजाउ हुने माडर नाका बिहान ६ बजे देखि नै सुनसान भएको हो ।

आइतबार बिहानैदेखि लहान ठाडि नाकाहुँदै भारतबाट एउटा पनि मालवाहक सवारीसाधन नेपाल नभित्रिएको ठाडि भन्सारमा खटिएका सशस्त्र प्रहरी नायव उपरीक्षक जीवन खतिवडाले बताए । नाका बिहानदेखि सुनसान छ, उताबाट आइतबार एउटा पनि मालवाहक वा अरु कुनै सवारी यता आएकै छैन,’ खत्रीले भने ,यतबाट जानेलाई पनि दशगजामै रोकेर भारतीय सुरक्षकर्मीले फिर्ता पठाइरहेका छन् ।

ठाडि भन्सार कार्यालयका प्रमुख नरेश साहले पनि आइतबार बिहानदेखि लौकाहा तर्फबाट ठाडि भन्सार नाका हुँदै कुनै पनि मालवाहक गाडी नभित्रिएको जानकारी दिए । नाका ठप्प भएपछि कोरोना भाइरसको संक्रमण लक्षित गरी ठाडि नाकामा स्थापना गरिएको हेल्थ डेस्कमा पनि अरु दिनको जस्तो चाप छैन ।

सिरहा मुख्य नाका बन्द रहेका कारण छेउछाउको अन्य बाटो भएर पैदल र साइकलमा आउनेलाइ हेल्थ डेस्कका स्वास्थ्यकर्मी र सुरक्षाकर्मीले तापक्रम नापेर सिरहा , लहान प्रवेश गर्न दिएका छन् । आइतबार बिहान ६ देखि १० बजे सम्म १५ जना मात्रै भारतबाट नेपाल प्रवेश गरेको हेल्थ डेस्कमा खटिएका स्वास्थ्यकर्मीले जानकारी दिए ।

जबकी यो भन्दा पहिले हरेक दिन बिहान ६ देखि १० बजे सम्ममा औसतमा १ देखि १५ सय प्रवेश गर्दै आएको कंडेलले बताए । ‘नाका नै ठप्प छ, सशस्त्र प्रहरी बल ७ नम्बर गण सिरहाका प्रमुख एसपी प्रबिन कंडेलभने, ‘फाट्ट फुट्ट एक दुईजना पैदल र साइकलमा आइरहेका छन्। उनीहरुलाई तापक्रम स्क्रयानिङ गरेर मात्रै छिर्न दिइरहेका छौं ।

आइतबार ठाडिबाट लौकाहा जाँदै गरेकालाई दशगजामा रोकेर फर्काउँदै प्रहरी प्रहरी , सशस्त्र प्रहरी बल र भारतीय सुरक्षाकर्मी ।