जनतामाझ गरिएका ९० प्रतिशत वाचा पूरा भइसकेका छन्जनतामाझ गरिएका ९० प्रतिशत वाचा पूरा भइसकेका छन्

केदारनाथ यादव, अध्यक्ष, सखुवानान्कारकट्टी गाउँपालिका, सिरहा

सिरहा जिल्लामा रहेका १७ वटा स्थानीय सरकारमध्ये सखुवानान्कारकट्टी गाउँपालिकाले निर्वाचनका बेला जनतामाझ गरेका वाचा धेरैजसो पूरा गरेर जनताको मन जित्न सफल भएको छ । निर्वाचित जनप्रतिनिधि एकजुट भएर पालिकाको विकास निर्माणको काममा दत्तचित्त भई लागिपरेको आभाष हुन्छ । ‘भिजन, डिसिजन र एक्सन’मा पालिकावासी सबैको प्रगति देख्ने गाउँपालिकाका अध्यक्ष केदारनाथ यादवसँग त्यहाँको विकास निर्माण, सम्भावना र चुनौतीमा केन्द्रित जन प्रभाबले गरेको कुराकानीको सम्पादित अंश :

सखुवानान्कारकट्टी गाउँपालिका कसरी अगाडि बढिरहेको छ ?

योजनाअनुसार विकासका काम अगाडि बढाइरहेका छौं । विगत दुई वर्षमा चारवटा गाउँसभा गरी जनताको आधारभूत आवश्यकता पूरा ग¥यौं । त्यस क्रममा कालोपत्रे सडक, सडक ढलान, पुल निर्माण, धर्मशाला, मदरसा निर्माणजस्ता आधारभूत काम भएका छन् । विद्यालयमा अनुगमन तथा सिस्टम सुधार गरिएको छ । शिक्षा, स्वास्थ्य र वडा कार्यालयको भवन मर्मतलाई पनि प्राथमिकतामा राखिएको छ ।

जनतासँग गरेका प्रतिबद्धता केके पूरा भए ?

गरिएका वाचाहरू पूरा गर्ने क्रममा छौं । अधिकांश त पूरा भइसकेका छन् । पुल निर्माण, कृषि विकास, विद्युतीकरण, विद्यालय पूर्वधार निर्माण, स्वास्थ, रोजगारी, खानेपानी पक्की सडक निर्माणका काम सुरु गर्ने प्रतिबद्धता जनाएको थिए । मैले त्यस्तै गरेको वाचामध्ये ९० प्रतिशत वाचा पूरा भइसकेका छन् । त्यसपछि मध्यम वर्ग हुँदै विकासको गति अगाडि बढाउने मेरो योजना छ ।

प्रतिनिधिहरूलाई जनताबाट राम्रै
सहयोग प्राप्त छ

जनअपेक्षाअनुसार विकासका
काम अघि बढेका छन्

सडक कालोपत्रे, ढलान, पुल, धर्मशाला,
मदरसा निर्माण हाम्रा आधारभूत
काम हुन्

प्रदेशस“ग आशा गर्ने ठाउ“ छैन, संघीय
सरकारस“ग समन्वय भइरहेको छ

केन्द्र तथा प्रदेश सरकारसँगको सम्बन्ध कस्तो छ ?

केन्द्र सरकारसँग विभिन्न विषयमा समन्वय भइरहेको छ । प्रदेशमा फरक पार्टीको सरकार भएको हुनाले केही अप्ठ्यारा पनि छन् । प्रदेशसँग खासै आशा गर्ने अवस्था छैन । तर, संघीय सरकारसँग समन्वय गरेर तीन÷चारवटा मुख्य सडकलाई पक्की बनाउने काम अघि बढाइएको छ ।

बजेट खर्चको अवस्था के छ ?

सबैको काम गर्ने शैली फरक हुन्छ । गाउँवासी, कर्मचारी र जनप्रतिनिधिबीच समन्वय हुनु जरुरी छ । गाउँपालिकाका विकासका लागि भिजन, डिसिजन र एक्सन चाहिन्छ ।
पहिला त भिजन बनाउने हो । त्यसलाई गाउँवासीसमक्ष छलफल गरी डिसिजनमा पुग्यौं र एक्सनमा गयौं । हामीले नारा तय गरेका छौं । सुविधासम्पन्न ऐतिहासिक सहर, समृद्ध सखुवानान्कारकट्टी नारासहित कामकाज अगाडि बढाएका छौं । जसमा अल्पकालीन, मध्यकालीन र दीर्घकालीन योजना निर्माण गरिएको छ । गाउँपालिका विकासका लागि भिजन, डिसिजन र एक्सन चाहिन्छ । पहिला त भिजन बनाउने हो । वडा नम्बर ३ र ४ मा प्रदेशस्तरीय सडक निर्माणलाई अगाडि बढाएका छौं ।

स्थानीयको अपेक्षा र गाउँपालिका कार्यपालिकाको काममा तालमेल मिलेको छ ?

स्थानीयको अपेक्षा र गाउँपालिका कार्यपालिकाको तालमेल नमिलेको भए अहिलेसम्म हामीले भिजनअनुसार काम गर्न सक्दैनथ्यौं । जनतासँगको समन्वयकै कारण गाउँपालिका विकासको खाका अगाडि बढेको हो ।

कुनकुन क्षेत्र प्राथमिकतामा परेका छन् ?

यस वर्ष शिक्षा र खेलकुदमा बढी केन्द्रित भएका छौं । गत वर्ष स्वास्थ्यमा निकै लगानी गरेको थियौं । यस वर्ष औषधि र चिकित्सकको उपलब्धता प्राथमिकतामा परेको छ । तर, शिक्षा र खेलकुदलाई यस वर्ष मुख्य प्राथमिकतामा पारी काम अगाडि बढाइएको छ । शिक्षा क्षेत्रमा दरबन्दी मिलान आवश्यक छ । त्यसतर्फ काम हुन्छ । भौतिक संरचना बनाउने र शिक्षकको दक्षता अभिवृद्धि प्राथमिकतामा परेका छन् ।

विकास निर्माणलाई कसरी व्यवस्थित गर्नुभएको छ ?

सही नियत र इमानदारीले काम गर्ने हो भने विकास निर्माण आफैं व्यवस्थित हुन्छ । नीतिनियम बनाएर काम गरेपछि केही समस्या हुँदैन ।

गाउँपालिका प्रमुखका विशेष योजना केके छन् ?

जनताको आवश्यकता र उनीहरूको चाहनाअनुसार त्यहीँको साधनस्रोत प्रयोग गरी योजना अगाडि बढाइरहेका छौं । आधारभूत आवश्यकता पूर्ति गर्नु प्रमुख विषय हो । त्यसपछि विशेष योजना कार्यान्वयनतर्फ लग्ने हो ।

केके छन् चुनौती ?

काम गर्ने मान्छेलाई केही चुनौती र अप्ठ्यारो त हुन्छ नै । तर, इमानदारीपूर्वक काम गर्ने व्यक्तिलाई खासै समस्या हुँदैन । मलाई जनताबाट राम्रै सहयोग छ । सानातिना अप्ठ्यारा त आउँछन् नै । त्यस्तो खासै जटिल चुनौती केही छैन ।