लहान । अपराधिक घटना न्युनिकरण गर्न विभिन्न कार्यक्रम संचालन गरेको प्रहरीले घरेलु मदिरा उत्पादन, विक्री र वितरणमा समेत कडाई गरेको छ । यसै क्रममा शुक्रबार प्रहरीले पुर्व पश्चिम राजमार्गमा पर्ने धनगढी नगरपालिकाको विभिन्न स्थानमा करिब ४२ वटा भट्टी नष्ट गरेको छ ।
प्रहरी नायब उपरीक्षक शरत थापा श्रेत्रिका अनुसार मदिरा विशेष अभियानअन्तर्गत सिरहाको धनगडिमाई नगरपालिका भरिमा करिब ४२ वटा भट्टी र करिब ६५ वटा मदिरा बनाउने मेसिन, करिब ५ हजार लिटर धरेलु मदिरा , २ हजार लिटर कच्चापदार्थ, ६५ वटा मदिरा बनाउने भाडो सहित बरामद गरी स्थानीय भद्रभलादमीको रोहबरमा नष्ट गरिएको छ ।
प्रहरीले घरेलु मदिरा बनाउने उपकरण र भाँडा कुडा समेत नियन्त्रणमा लिई नष्ट गरेको छ । यस अघि प्रहरीले लहान नगरपालिकाको विभिन्न ठाँउमा घर र पसलबाट ठुलो परिमाणमा कच्चा पदार्थ, तयारी मदिरा र भाँडाकुडा नियन्त्रणमा लिई नष्ट गरेको थियो ।
घरेलु मदिराका कारण घरेलु हिंसा, लुटपाट, सवारी दुर्घटना, चोरी, झैझगडा, समाजिक–परिवारिक कलह लगायतका अपराधजन्य घटना बढने भएकाले घरेलु मदिरा नियन्त्रण अभियानकै रुपमा अघि बढाईएको प्रहरी नायब उपरीक्षक थापाको भनाई छ ।
