पिजी पत्रकार
जनकपुरधाम चैत २ : प्रदेश २ को नाम र राजधानीको टुंगो लगाउन बसेको बैठक उपभोक्ता समितिको भुक्तानी र कोरोना भाइरसको भुमरीमा फँसेको छ । प्रदेशको नाम र राजधानी तय गर्न प्रदेशसभामा मतदान गर्ने तिथि मिति सर्दै गएको छ । गत फागुन २३ गते प्रदेशसभामा मतदान हुने र त्यसवाट प्रदेशले स्थाई राजधानी तथा नाम पाउने भनियो तर सो दिनको पुर्व सन्ध्यामा होली पर्व र वैवाहिक लगन रहेको कारण देखाउदै मतदानको मिति चैत १ गते तोकियो । तर त्यसका लागि कार्यविधी पारित गर्न फागुन ३० गते बसेको प्रदेश २ प्रदेशसभा बैठकमै उपभोक्ता समितिको भुक्तानीकौ सवालमा मुख्यमन्त्री लालबाबु राउत उनका सत्ताधारी दलका सांसद र मुख्य विपक्षी दल नेकपाका सांसदहरु बिच तँत मम सुरु भयो । भुक्तानीका लागि अहिलेसम्म भएका प्रयासबारे सदनलाई जानकारी दिइरहेका बेला नेकपाका सांसद् रामचन्द्र मण्डलले आक्रोश व्यक्त गरेपछि मुख्यमन्त्री राउतले सुन्ने हिम्मत राख्नुपर्ने जवाफ दिएलगतै केहीबेर सत्ता–प्रतिपक्षीबीच विवाद भएको थियो ।
मुख्यमन्त्री राउते जवाफ दिइरहँदा विपक्षी दलका सांसद रामचन्द्र मण्डलले टिप्पनी गरेपछि सुन्ने हिम्मत राख्न मुख्यमन्त्री आग्रह गर्दा नेकपाका सांसद र समाजवादीका सांसदहरु बिच बिबाद सुरु भएको थियो । त्यसका क्रममा मुख्यमन्त्रीको तर्फवाट बालेका राज्यमन्त्री योगेन्द्र राय र सांसद मण्डल बिच तँत मम समेत भयो । सभामुख सरोजकुमार यादवले शान्त भइदिन पटक पटक आग्रह गरेपछि उभिएका सांसद्हरू कुर्सीमा बसेका थिए । त्यसपछि फेरी बोल्न सुरु गरेका मुख्यमन्त्री राउतले धैर्यताका साथ आफ्नो कुरा सुन्न आग्रह गर्नुभयो । उहाँले भुक्तानी नहुनुमा आफूलगायत मन्त्रीहरू दोषी नरहेको दाबी गर्दै सचिवसहितका कर्मचारीतन्त्रका कारण भुक्तानी हुन नसकेको दाबी गर्नुभयो ।
मुख्यमन्त्री राउत भुक्तानीमा राजनिति गरेर प्रदेश सरकार मन्त्रालयका सचिव र कर्मचारीहरु संघियता धरापमा पार्न खाजेको आरोप लगाए । प्रदेशसभाको सर्वसम्मत निर्णय र मन्त्री परिषदको बैठकले समेत भुक्तानी गर्न निर्देशन दिएपछि कस्को इशारामा कर्मचारीहरु चलिरहेको छ ? प्रश्न गर्दै मुख्यमन्त्री राउत भुक्तानीका लागि आफु आफनो दल अनसन बस्न तयार रहेको समेत बताए । उनले अनसन सुरु हुने र त्यस पछि भुतmानीका विरोधी दलहरुको चेहरा वाहिर आउने बताए । भुतmानीमा राजनिति गरेर संघियता माथी प्रहार भएको बताउदै मुख्यमन्त्री राउतले कुनै पनि हालतमा संघियता माथीको प्रहार सफल हुन नदिने बताए । त्यस पछि प्रदेशको राजधानी र नाम तय गर्न चैत चार गते मतदान हुने कार्यविधी ताकिएको भएपनि त्यस एता भएको सबै बैठकमा प्रदेशसभा सांसदहरुले कोरोनावाट बचाउ र सचेतनाका लागि प्रदेशसभाको बैठकनै रोक्न मांग गरिरहेको छ ।
प्रदेश सांसदहरु प्रदेशको नाम र राजधानी भन्दा पनि भुक्तानी, कोरोना भाइरसवाट बचाउ र सतर्कता सहित घरेलु मदिरावाट भएको मानविय क्षतीको विषयहरु उठान गरि प्रदेश सरकारलाई घेराउ गर्दै मुख्यमन्त्रीको राजिनामा समेत मांग गर्न थालेको छ । मन्त्री, सचिव र कर्मचारी कसैले टेर्दैन भने व्यतmी नेतृत्वमा बस्नुको कुनै अर्थ नरहेको सांसदहरुले भन्न थालेका छन् । राजपाका मनिष सुमन, नेकपाका रामचन्द्र मण्डल सहितकाले मुख्यमन्त्रीको राजिनामा मागेका हुन ।
