मन्त्री नेवाङ्गद्वारा जनकपुरधाममा रेल्वेको अवलोकन

जनकपुरधाम, फागुन ३० संघिय सरकारका भौतीक पुर्वाधार तथा यातायात मन्त्री वसन्त नेवाङ्गले नेपाल रेल्वे जति छिट्टो भएपनि दुई तिन महिना अझै सञ्चालन हुन समय लाग्ने बताएका छन् ।
भारत मधुवनी विहारको जयनगर देखि जनकपुरधाम सम्मको रेल सेवा केहि दिनमै सञ्चालन हुने हल्ला करिव तिन वर्ष देखि चलिरहेको भएपनि अहिले सम्म चल्न सकेको अवस्थामा शुक्रवार रेल्वेको अवलोकन निरिक्षण गर्दै मन्त्री नेवाङ्गले रेलको चालक देखि करिव तिनसय जना प्राविधिकको दरबन्दी स्वीकृत भइसकेको र नितिगत कुराहरु पनि गर्न वाँकी रहेकाले समय तोक्न नमिल्ने बताए । मन्त्री नेवाङ्गले भने चालु आर्थिक वर्ष भित्रै रेल सञ्चालन गर्ने समेत बताए । यात्रुवाहक एक रेल तयारी अवस्थामा रहेको र अर्को बनिरहेको जानकारी गराउदै मन्त्री नेवाङ्गले आवयश्ताको आधारमा मालवाहक रेल समेत सञ्चालनका लागि पहल हुने बताए । नेपाल रेल्वेले खोलेको विज्ञापनको मापदण्ड अनुसार एकजना पनि दक्ष जनशतmी नेपालमा उपलब्ध नहुने सञ्चारकर्मीहरुको जिज्ञाशामा मन्त्री नेवाङ्गले नेपालमा उपलब्ध नभए विदेशवाट करारमा नियुतm गर्ने बताए । रेल्वे अवलोकनको क्रममा मन्त्री नेवाङ्गसंगै श्रम तथा रोजगार मन्त्री रामेश्वर राय समेत उपस्थित थिए । मन्त्रीद्वय रेल्वेको अवलोकन पछि जनकपुरधाम–जटही सम्मको छ लेन सडकको समेत निरिक्षण गरेका छन् । मन्त्रीसंगै रेल विभागका महाप्रबन्ध सहितको प्राविधिक टोली समेत अवलोकनमा सरिक थिए ।