पिजी पत्रकार
जनकपुरधाम, फागुन २७ :
नेपाली कांग्रेसमा गुटउपगुट हिजो आजको कुरो होइन । तर पार्टी निर्माण र सञ्चालनमा महत्वपुर्ण योगदान दिएका महानायक भनेर चिनिने स्व. गिरिजा प्रसाद कोइरालासंग सम्बन्धित कार्यक्रम समेत पार्टीकै नेताहरुले बहिष्कार गर्नुले कांग्रेसभित्रको बिबादलाई उदाङ्गो पारेको छ ।
गिरिजा प्रसाद कोइराला एक व्यक्ती र नेता मात्र होइन कांग्रेसका लागि राजनितिक ब्रान्ड नै हो तर तिनै स्व. कोइरालाको राजनितिमा भुमिका र महानायक नामक स्मारिका बिमोचन कार्यक्रम जनकपुरधाममा वर्तमान उपसभापति निधी समुहले वहिष्कार गरेका छन् । निधीकै निर्वाचन क्षेत्र जनकपुरधाममा आयोजित कार्यक्रम बहिष्कार मात्र गरिएन सभापति शेरबहादुर देउवा पक्षधर उपसभापति निधी खेमाले पार्टीको कोइराला खेमा माथी कारवाहीको मांग समेत गरेको छ । केन्द्रिय समितिको निर्णय विपरित आइतवार कोइराला समुहले जनकपुरधाममा नियोजित रुपमा भेला र जमघट गरेको भन्दै कांग्रेस धनुषा क्षेत्र नं. ३ का सभापति कन्हैया लाल कर्णले कारवाहीको मांग गरेको छ ।
विश्वमा कोरोनाले भयावह रुप लिइरहेको र नेपाल समेत उच्च जोखिमको सुचीमा रहेकाले सवैको हितका लागि पार्टीको केन्द्रिय समितिले गरेको निर्णय लत्याउदै कोइराला समुह जनकपुरधाममा आएर कार्यक्रम गरेको भन्दै केन्द्रिय समिति विरुद्वको गतिविधी गर्ने नेताहरु माथी कारवाही गर्नुपर्ने कर्णको मांग छ । उपप्रधानमन्त्री तथा पटक पटक मन्त्री भइसकेका नेता र नेतृहरुमा केन्द्रिय समिति र पार्टीको निति नियम तथा निर्णयको अलिकती पनि ज्ञान नरहेको कर्णको बुझाई छ ।
एता गिरिजा प्रसाद कोइराला फाउन्डेशनले गत आइतवार जनकपुरधाममा आयोजना गरेको शान्ति प्रक्रियामा गिरिजा प्रसाद कोइरालाको भुमिका विषयक विचार गोष्ठी तथा महानायक समारिका बिमोचन कार्यक्रमलाई सम्बोधन गर्दै स्व. गिरिजा पुत्री तथा पुर्व उपप्रधानमन्त्री सुजाता कोइरालाले संस्थापन पक्ष निधी खेमाले जनकपुरधामको सो कार्यक्रम बहिष्कार गरेको प्रति आपती जनाउदै मञ्चवाटै आक्रोस व्यक्त गरेकी थिइन ।
पार्टीको लागि जिवन योगदान गरेका गिरिजा प्रसाद कोइराला संग सम्बन्धित कार्यक्रममा पुरै खेमा नआएर पार्टीलाई के गर्न खोजिएको हो ? भन्दै कोइरालाले आक्रोस व्यतm गरेकी थिइन् । कार्यक्रममा नेता शेखर कोइराला सहित कोइराला समुहको नेताहरुको सहभागिता थियो । सो कार्यक्रममा नेता शेखर कोइरालाले नेकपाका नेता प्रचण्डले गिरिजाबाबुको बारेमा गलत बोलेर आफु सक्रमणकालिन मुद्दावाट बच्ने प्रपञ्च रच्न थालेको आरोप लगाएका थिए । कोइरालाले सक्रमणकालिन न्यायको तरबार प्रचण्ड माथी झुन्डिरहेको समेत बताएका थिए ।
केहि दिन अगाडि मात्र प्रधानमन्त्री केपि शर्मा ओली संथग भेटेका कोइराला त्यसवेला गिरिजाबाबुसंग आफु अधिकांश समय बिताउने गरेको बताउदै प्रचण्ड गिरिजाबाबुको बारेमा हिंस्रक कुरा गरेर आफु बच्ने उपाय निकाल्न थालेको बताए ।
